Winter Health Tips : चिकूला स्वस्त समजून हलक्यात घेऊ नका; हिवाळ्यात तर होतात दुप्पट फायदे

चिकू हे गोड आणि पौष्टिक फळांपैकी एक आहे. चिकू खायला चवदार तर असतोच शिवाय पचायलाही सोपा असतो. हिवाळ्यात तर तुमच्या आहारात या फळांचा समावेश अतिशय फायदेशीर ठरतो.

चिकूमध्ये अँटिऑक्सिडंट्स, व्हिटॅमिन्स आणि अनेक पोषक तत्त्व आढळतात. यात कॅल्शियम, आयर्न, झिंक , मॅग्नेशियम आणि फॉस्फरस यांसारख्या खनिजे भरपूर प्रमाणात असतात.

सर्वात महत्वाची बाब म्हणजे एवढे सगळे पोषक घटक असूनही चिकून खूप स्वस्त मिळतात. त्यामुळे हिवाळ्यात तर नक्की चिकू खावेत. हिवाळ्यात चिकू खाल्ल्याने आरोग्याला काय फायदे होतात जाणून घेऊया.

चिकू शरीराची प्रतिकारशक्ती वाढवण्याचे काम करतो. यामध्ये असलेले व्हिटॅमिन सी आणि अँटीऑक्सिडंट रोगांशी लढण्यास मदत करतात. चिकू खाल्ल्याने सर्दी आणि फ्लूचा धोका दूर राहतो.

चिकू हाडांसाठी फायदेशीर आहे. यामध्ये आढळणाऱ्या कॅल्शियम, मॅग्नेशियम आणि फॉस्फरस सारख्या खनिजांमुळे हाडे मजबूत होतात. हिवाळ्यात चिकू खाल्ल्याने हाडे आणि स्नायू दुखत नाहीत.

चिकूमध्ये असलेले पोषक घटक वजन कमी करतात. यामध्ये फायबर मुबलक प्रमाणात असते. चिकू खाल्ल्याने चयापचय वाढते आणि वजन कमी होण्यास मदत होते.

चिकूमध्ये असलेले मॅग्नेशियम आणि अँटीऑक्सिडंट रक्तदाब नियंत्रित ठेवण्यास मदत करतात. ब्लड प्रेशरमध्ये चिकू खाणे फायदेशीर आहे. चिकू पाण्यात उकळून प्यायल्याने रक्तदाब नियंत्रणात राहतो.

चिकूमध्ये त्वचेसाठी फायदेशीर असलेले व्हिटॅमिन ई आणि व्हिटॅमिन सी असते. यामुळे त्वचेला आतून पोषण मिळते. हिवाळ्यात चिकू खाल्ल्याने त्वचा कोरडी होत नाही. (सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)