हिवाळ्यातील आळस घालवण्यासाठी रामबाण उपाय, अंघोळीच्या पाण्यात घाला हे पदार्थ

अंघोळ करणे हा जरी नित्यनियमचा भाग असलेला. तरी काही वस्तू अंघोळीच्या पाण्यात मिसळल्यास तुम्हाला जास्त फ्रेश आणि उत्साही वाटते. या वस्तू सहज आपल्या घरात उपलब्ध असतात.

लिंबू : झी न्यूजमध्ये दिलेल्या माहितीनुसार, आंघोळीच्या पाण्यात लिंबाचा रस टाका. लिंबू टाकल्याने घामामुळे येणारी दुर्गंधी आणि बॅक्टेरिया नष्ट होतील आणि तुम्हाला दिवसभर फ्रेश वाटेल.

ग्रीन टी : ग्रीन टी फक्त पिण्यासाठीच नाही. फ्रेशन्ससाठीही फायदेशीर आहे. अंघोळीच्यावेळी पाण्यात ग्रीन टी टाकल्याने घामाचा वास निघून जाईल आणि तुम्हाला खूप फ्रेश वाटेल.

खडे मीठ : घामामुळे बऱ्याचदा अंगाचा वास येतो. अशावेळी रामबाण उपाय म्हणजे आंघोळीचे पाणी कोमट करून त्यात खडे मीठ घाला. या पाण्याने अंघोळ केल्यास शरीरावरील दुर्गंधी दूर होईल आणि तुम्हाला दिवसभर फ्रेश वाटेल.

कडुलिंबाची पानं : कडुलिंबाच्या पानांमध्ये अनेक औषधी गुणधर्म असतात, जे आपल्या त्वचेला अनेक रोगांपासून वाचवतात. आंघोळीपूर्वी कडुलिंबाची पाने पाण्यात उकळून ते पाणी आंघोळीच्या पाण्यात मिसळा. यामुळे त्वचेचा संसर्ग, खाज आणि घाण दूर होईल.

तुरटी : तुरटीमध्ये अँटी-बॅक्टेरियल गुणधर्म असतात, त्यामुळे ती त्वचेसाठी खूप फायदेशीर मानली जाते. अंघोळीच्या तुरटी मिसळल्यास शरीरातील रक्ताभिसरण चांगले राहते. (सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)