Mumbai Wholesale Market : 'इथं' मिळेल बांधणीचे स्वस्त आणि सुंदर ड्रेस मटेरियल, पाहा Photos

बांधणीचे ड्रेस हा प्रकार महिलांमध्ये सध्या चांगलाच लोकप्रिय आहे. कोणत्याही गटातील महिलांना हे ड्रेस शोभून दिसतात.

गुजरातमधील बांधणीचे ड्रेस विशेष प्रसिद्ध आहेत. आता मुंबईतही या ड्रेसचं चांगलं मटेरियल आणि तेही स्वस्तामध्ये मिळते.

मुंबईच्या दादर मार्केटमधील राजलक्ष्मी क्रिएशन या दुकानात विविध रंगाचे आणि पॅटर्नचे बांधणीचे ड्रेस मटेरियल मिळतात.

अगदी अस्सल कॉटनची बांधणी असल्यामुळे या ड्रेसला चांगली मागणी आहे.

लग्नसमारंभ किंवा घरगुती कार्यक्रमात या प्रकारचे ड्रेस घालण्यास अनेक महिलांची पसंती असते.

बांधणी ही कापडावर विशिष्ट पद्धतीने गाठ बांधून तयार केली जाते. कॉटन, सिल्क अश्या विविध प्रकारच्या कपडावर ही डिझाईन तयार केली जाते.

बांधणी वायफाय डिझाईन, बांधणी लखनवी वर्क, बांधणी ऑल ओव्हर बुट्टा कॉटन सॅटिन, बांधणी जयपुरी कॉटन, बांधणी गुल्टी डिझाईन, बांधणी कॉटन सॅटिन, बांधणी झूमकी डिझाईन, बांधणी चेक्स डिझाईन, बांधणी लखनवी तार वर्क हे वेगवेगळे प्रकार तुम्हाला पाहायला मिळतील.

या बांधणी ड्रेसला संपूर्ण महाराष्ट्रातून मागणी आहे. महाराष्ट्रातील विविध शहरांमधून होलसेल खरेदीसाठी विक्रेते येथेच येतात.

500 रुपये ते 1000 रुपयांच्या आत बांधणी ड्रेस मटेरियल मिळतात.

या दुकानातील लखनवी वर्क आणि लखनवी तार वर्क या डिझाईनला मोठी मागणी आहे.

बांधणीच्या ड्रेस मटेरियलवरील सविस्तर वृत्त तसंच व्हिडीओ पाहण्यासाठी इथं क्लिक करा.