Pune Wholesale Market : सर्वप्रकारच्या पर्सची करा स्वस्तात खरेदी, बजेटमध्ये होईल मोठी बचत, Photos

कॉलेजमधील तरुणाईच्या बजेटला परवडतील अशी पॉकेट फ्रेंडली शॉपिंगची ठिकाणं पुणे शहरामध्ये आहेत.

पुण्यातील तरुणींच्या शॉपिंगसाठी सर्वात फेमस भाग म्हणून फर्ग्युसन कॉलेज अर्थात एफसी रोडची ओळख आहे.इथं तरुणींना नेहमी लागणाऱ्या पर्स देखील अगदी कमी किंमतीमध्ये मिळतात.

फर्ग्युसन कॉलेज रोडवरच्या शिरोळे मार्केट आणि केसरी मार्केट अशा दोन मार्केटमध्ये वेगवेगळ्या प्रकारच्या पर्स खरेदी करता येतात. त्यासाठी तुम्हाला या मार्केटमध्ये थोडं आत जावं लागेल.

या ठिकाणी तुम्हाला अगदी दीडशे रूपयांपासून वेगवेगळ्या पर्स मिळतात. या पर्सच्या क्वालिटीमध्ये विविधता असून त्यानुसार किंमतीमध्येही फरक आहे.

पर्समध्ये क्लचेस, पाऊच, फायबर पर्स, मेकअप बॅग, सॅक कम पर्स, हेवी डिझायनर पर्सेस या सारख्या ट्रेंडिंगमध्ये असलेल्या पर्स इथं मिळतात.

या मार्केटमध्ये काही पर्स कॉम्बो ऑफरमध्येही खरेदी करतात. 699 रुपयांमध्ये 3 किंवा 999 रुपयांमध्ये 5 या प्रकारच्या ऑफर इथं आहेत.

कॉलेजमध्ये जाणाऱ्या तरूणींसाठी पर्स, ऑफिसमध्ये जाणाऱ्यांसाठी लागणाऱ्या थोड्या मोठ्या पर्सही इथं मिळतात. या प्रकारात 300 ते 800 रुपयांपर्यंत चांगल्या क्वालिटीच्या पर्स इथं उपलब्ध आहेत.