'एक रुपयाभी बहुत बडी चीज है बाबू', एक-दोन नव्हे तर तब्बल 10 वस्तू करू शकता खरेदी

न्यायालयाचा अवमान केल्याप्रकरणी वरिष्ठ वकील प्रशांत भूषण यांना सर्वोच्च न्यायालयानं 1 रुपयांचा दंड ठोठावला आणि हा दंड न भरल्यास त्यांना तीन महिन्यांपर्यंत कारावासाची शिक्षा होणार असा आदेश दिला. त्यानंतर दंडाची ही रक्कम ऐकून सोशल मीडियावर चर्चा सुरू झाली. एक रुपयात काय होतं, असं प्रत्येकाला वाटतं. मात्र एक रुपयाही खूप मोठा आहे. एक रुपयात किमान तुम्ही दहा वस्तू घेऊ शकता.

एक रुपयात आजही वेगवेगळ्या प्रकारचे चॉकलेट्स मिळतात. यामध्ये एक्लेयर्स, मँगो बाइट, कॉफी बाइट आणि वेगवेगळ्या फ्लेव्हर्सच्या च्युइंगमचाही समावेश आहे. लहान मुलांच्या बर्थ-डे पॅकेजमध्येही एक रुपयाच्या कँडीज मिळतात. एखाद्या दुकानात गेल्यानंतर दुकानदाराकडे सुटे पैसे नसतील तर ते एक रुपयाचं चॉकलेट देतात. हाजमोलादेखील एक रुपयात मिळतो. (फोटो सौजन्य - पिक्साबे)

एक रुपयात तुम्ही पोटभर खाऊदेखील शकता, मात्र ते फक्त तामिळनाडूत. इथं फक्त एक रुपयात इडली मिळते. जयललिता यांनी हा उपक्रम सुरू केला होता. याला अम्मा इडलीही म्हटलं जातं. कोरोना काळात बहुतेक ठिकाणी ही योजना सुरू झाली नाही. (फोटो सौजन्य - पिक्साबे)

माचिसचा बॉक्सही एक रुपयात मिळतो. इतकंच नव्हे तर प्लॅस्टिकचे छोटे ग्लासही एक रुपयात मिळतात. फक्त त्यांची गुणवत्ता फारशी चांगली नसते, हे ग्लास हातात पकडताना थोडी काळजी घ्यावी लागते. (फोटो सौजन्य - पिक्साबे)

आणखी एक वस्तू जी एक रुपयात एक नाही तर दोन मिळतील ती म्हणजे पोस्टकार्ड. पोस्टकार्ड 50 पैशांचं असतं, त्यामुळे एक रुपयात दोन पोस्टकार्ड घेऊ शकता. आजही ग्रामीण भागात सुखदु:खाचे संदेश पाठवण्यासाठी फोनपेक्षा पोस्टकार्डना पसंती दिली जाते. (फोटो सौजन्य - पिक्साबे)

सुलभ शौचालयातही एक रुपया घेतला जातो. मात्र सध्या काही शौचालयात फक्त पुरुषांना ही सेवा दिली जाते. महिलांना पाच रुपये शुल्क आकारलं जातं. (फोटो सौजन्य - पिक्साबे)

मशीनचं थंड पाणीदेखील एक रुपयात पिऊ शकता. उन्हाळ्यात अशा पाण्याची व्यवस्था केली जाते. मात्र पाण्याच्या शुद्धतेवर अनेक प्रश्नचिन्हं उपस्थित होत असल्याने लोक हे पाणी पित नाही. (फोटो सौजन्य - पिक्साबे)

एक रुपयात मेणबत्ती मिळते. ग्रामीण भागात जिथं विजेची समस्या असते, तिथल्या लोकांसाठी ही मेणबत्ती फायदेशीर ठरते. अजूनही अशा ठिकाणी दुकानात सुटे पैसे नसल्यास दुकानदार कँडीऐवजी ग्राहकांना एक रुपयाची मेणबत्ती देतात. (फोटो सौजन्य - पिक्साबे)

तुमच्या मुलांसाठी तुम्ही एक रुपयाचा खोडरबर घेऊ शकता. अगदी साधा असूनही या खोडरबरची क्वालिटी चांगली असते. सध्या विविध आकारात आणि सुगंधात खोडरबर उपलब्ध आहेत, ज्यांची किंमत खूप जास्त असते. (फोटो सौजन्य - पिक्साबे)

घरातील अनेक छोट्या छोट्या वस्तू, हेअर पिन, सेफ्टी पिन, छोटे खिळे घ्यायचे असल्यासही एक रुपया कमी नाही. 6 रेग्युलर साइजचे खिळेही एका रुपयात येतात. (फोटो सौजन्य - पिक्साबे)