Cramps आहेत पण Period नाही; मासिक पाळीसारख्या वेदना होण्याची 8 कारणं

मासिक पाळीत महिलांना अनेक शारीरिक आणि मानसिक समस्यांचा सामना करावा लागतो. Period Cramps  ही त्यापैकीच एक समस्या. मात्र प्रत्येकवेळी मासिक पाळीतच Cramps होतील असं नाही. अशा अनेक महिला आहेत. ज्यांना मासिक पाळीशिवायही ही समस्या उद्भवते.

वेब एमडीच्या माहितीनुसार inflammatory bowel disease  मध्ये अशी समस्या उद्भवते. बेलीजवळ मध्य भागात किंवा उजवीकडे खालच्या भागात वेदना जाणवतात. याशिवाय शौचाची समस्या, पोट जडजड वाटणं, शौचातून रक्त, वजन कमी होणं, ताप अशी लक्षणंही दिसतात.

तुम्ही प्रेग्नंट असाल तरीदेखील अशा वेदना जाणवतात. हे एकप्रकारे प्रेग्नन्सीचं लक्षण आहे. प्रेगन्सीच्या चौथ्या आठवड्यात मासिक पाळीच्या कालावधीत तुम्हाला अशा वेदना होतात.

एक्टोपिक प्रेग्नन्सीतही अशा वेदना होतात. या प्रेग्नन्सी गर्भाची वाढ गर्भाशयात न होता इतर भागात होऊ लागते आणि हे त्या महिलेसाठी जीवघेणं ठरू शकतं. पोटाच्या खालच्या भागावर  अचानक आणि तीव्र वेदना होतात. याशिवाय खांदे आणि कमरेमध्येदेखील वेदना जाणवताच. तुम्हाला मळमळ, ब्रेस्ट जड वाटणं अशी प्रेग्नन्सीची लक्षणंही दिसतात.

जर तुमचा नैसर्गिक गर्भपात झाला असेल तर मासिक पाळीसारख्या वेदना जाणवतात आणि त्या अधिक तीव्र असतात. याशिवाय व्हजायनामधून रक्तस्रावही होतो.

पेल्व्हिक इन्फ्लेमेटरी डिसीज (Pelvic inflammatory disease - PID) हे बॅक्टेरिअल इनेफ्क्शन असल्यासची क्रॅम्प जाणवतात. सेक्समार्फत या इनफेक्शनचा धोका असतो. ओटीपोटाच्या दोन्ही बाजूला आणि कमरेच्या खालच्या बाजूला वेदना होतात. याशिवाय व्हजायना डिस्चार्ज, थोडासा रक्तस्राव, सेक्स करताना किंवा लघवी करताना वेदना आणि जळजळ. उलटी, मळमध अशी लक्षणंही दिसतात.

पेल्व्हिक फ्लोर मसल डिस्फंक्शन (Pelvic-floor muscle dysfunction) असल्यासही ही समस्या उद्भवते. मूत्राशय, गर्भाशय, व्हजायना आणि रेक्टम यांच्या स्नायूंमध्ये वेदना होतात. सामान्य प्रसीतू किंवा एखाद्या अपघातात दुखापत झाल्यास ही समस्या उद्भवते. व्हजायनामध्ये जळडळ, शौचास समस्या, सेक्स करताना वेदना लघवी करताना जळजळ ही इतर लक्षणं आहे.

अॅपेंडिक्सला सूज आल्यासही अशा वेदना होतात. सुरुवातीला बेंबीच्या खालच्या भागावत वेदना जाणवतात आणि नंतर पोटाच्या उजवीकडे खालील भागात तीव्र वेदना होऊ लागतात. खोकताना, शिंकताना, चालताना या वेदना अधिक तीव्र होतात.

गर्भाशयाचा कॅन्सर असल्यास अशा वेदना होतात. पोट कडक वाटतं. थोडं खाल्लं तरी पोट भरल्यासारखं वाटणं, वारंवार लघवीला होणं ही इतर लक्षणं आहेत.