आठवडाभरापूर्वीच केलं कोर्ट मॅरेज, आता दुसऱ्यांदा लग्न करतेय टीव्ही अभिनेत्री; मालिकाही सोडणार

कोरोना काळात अनेकांनी आपलं लग्न आटोपलं आहे. यात कित्येक सेलिब्रिटीदेखील आहेत. आता अशीच आणखी एक टीव्ही अभिनेत्री लग्नाच्या बेडीत अडकणार आहे. विशेष म्हणजे ही अभिनेत्री एका आठवड्यातच दुसऱ्यांदा लग्न करते आहे. त्यानंतर ती मालिकेतूनही बाहेर होणार आहे.

दुसऱ्यांदा लग्न करणारी ही अभिनेत्री म्हणजे शीतल पांडेय. उड़ान फेम अभिनेत्री शीतल पांडेनं नुकतंच कोर्ट मॅरेज केलं होतं. आता ती पुन्हा लग्न करते आहे.

13 नोव्हेंबरला शीतल पांडेय आपला लहानपणापासूनचा मित्र अभिषेक भट्टाचार्यसोबत लग्नबंधनात अडकली. तिनं कोर्ट मॅरेज केलं होतं. आपलं हे लग्न म्हणजे फक्त व्हिजासाठी मॅरेज सर्टिफिकेट देण्यासाठी केलेलं लग्न होतं. कारण आम्ही दोघं Leicester ला जाणार आहोत, असं शीतलनं  सांगितल्याचं वृत्त टाइम्स ऑफ इंडियानं दिल्याचं आज तकनं सांगितलं.

आता शीतल आणि अभिषेक 20 नोव्हेंबरला पुन्हा लग्न करणार आहेत. हे लग्न ट्रेडिशनल पद्धतीनं असणार आहे. 20 नोव्हेंबरच आमच्या लग्नाची खरी तारीख असेल. हे लग्न पूर्ण पारंपारिक पद्धतीनं होईल. लग्न मुंबईतच गोरेगावमधील फाइव्ह स्टार हॉटेलमध्ये होणार आहे, असं शीतल म्हणाली

अभिषेक डॉक्टर आहे आणि त्याच्यासोबत संसार थाटण्यासाठी शीतल मालिकाही सोडायला तयार आहे. फक्त मालिकाच नाही तर अभिनय क्षेत्रालाचा बायबाय करण्याच्या तयारीत आहे. यानंतर ती डान्स शिकणार आहे आणि डान्स शिकवणार आहे.

शीतल आणि अभिषेक दोघांचाही साखरपुडा डिजीटल पद्धतीनं झाला होता. यूएसएमध्ये तिचा साखरपुडा होणार होता. मात्र कोरोना महासाथीमुळे जाणं शक्य झालं नाही. त्यामुळे व्हिडीओ कॉलवर त्यांनी आपला साखरपुडा आटोपला. (फोटो सौजन्य - इन्स्टाग्राम)