BIG B प्रमाणेच लक्झरी गाड्यांचे शौकिन टीव्ही कलाकार; लॉकडाऊनमध्येच घेतली कोट्यवधींची कार

बिग बी अमिताभ बच्चन यांनी नुकतीच एक कोट्यवधींची मर्सिडीज बेन्ज खरेदी केली. अनेक अभिनेत्यांकडे अशा लक्झरी गाड्या आहेत. मात्र टीव्ही कलाकारांना अशा लक्झरी कारमधून फिरायला आवडतं. विशेष म्हणजे काही टीव्ही कलाकार वयाच्या 19 व्या वर्षीच अशा आलिशान कारचे मालक आहेत.

अमिताभ बच्चन यांच्याप्रमाणेच रश्मी देसाईनेही कोरोना काळात कार खरेदी केली आहे. आधीपासूनच कार खरेदी करण्याचा ती विचार करत होती. टाइम्स ऑफ इंडियाच्या रिपोर्टनुसार कोरोना महासाथीमुळे तिनं कार खरेदी केली नाही. मात्र जसं लॉकडाऊन थोडं शिथील झालं, तिने आपली इच्छा पूर्ण केली आहे. कोट्यवधींची कार तिने आपल्या नावावर घेतली आहे. (फोटो सौजन्य - @ imrashamidesai/Instagram)

कुंडली भाग्य फेम अभिनेता धीर धूपरनेही आपल्या सोशल मीडिया अकाऊंटवर लक्झरी कारचा फोटो टाकला आहे. त्यावर त्याच्या पत्नीनेही ब्युटी अँड द बीस्ट अशी कमेंट दिली आहे.

इश्क सुभान अल्लाह मालिकेतील अभिनेत्री ईशा सिंहनेदेखील आपली ड्रीम कार घेतली आहे. आपल्या चाहत्यांसह तिने हा आनंद साजरा केला. आपल्या कारचा फोटोही शेअर केला. (फोटो सौजन्य - @ eishasingh /Instagram)

रिअॅलिटी शो बिग बॉस-13 मधील आसिम रियानेही नुकतीच BMW 5 Series M sports खरेदी केली आहे. कित्येक वेळा त्याने आपल्या या कारचे फोटो त्याने सोशल मीडियावर शेअर केले आहेत. (फोटो सौजन्य - @ asimriaz77.official/Instagram)

अभिनेत्री जन्न जुबैरने तर वयाच्या 19 व्या वर्षीच कोट्यवधींची कार आपल्या नावावर केली आहे. आपल्या 19 व्या वाढदिवशी तिने एक कोटी रुपयांची ऑडी स्वतःला गिफ्ट केली आहे. या कारसह तिने आपला फोटोही सोशल मीडियावर शेअर केला आहे. (फोटो सौजन्य - @ jannatzubair29 /Instagram)