फॅमिली ट्रिपवर जात आहात, पालकांनो 'ही' काळजी जरूर घ्या

एकाच जागेवर भरपूर वेळ बसल्याने लहान मुलांची चिडचिड होते. त्यामुळे जर तुम्ही कारने प्रवास करत असाल, तर ब्रेक जरूर घेऊ शकता. मुलांना थोडं गाडीबाहेर फिरवल्याने त्यांना फ्रेश वाटतं.

तुम्ही प्रवासात कुठे राहणार असाल, तर रात्र पडण्याआधीच हॉटेलवर पोहोचा. जेणेकरून दिवसभराच्या प्रवासातून मुलांना पुरेसा आराम मिळेल आणि दुसऱ्या दिवशी त्यांची चिडचिड होणार नाही.

मूल ब्रेस्टफिडिंगशिवाय काही खात असेल, तर काचेच्या बाटलीतून गरम दूध द्या. यामुळे दूध गरम राहिल आणि खराबही होणार नाही.

मुलांचे जादा कपडे सोबत ठेवा, जेणेकरून गरज पडल्यास बदलता येतील, मुलांना स्किन अॅलर्जी, रॅशेस होणार नाहीत. विशेष म्हणजे ऋतुमानानुसार कपडे घ्या. शक्यतो कॉटनचेच कपडे घालावेत, जे मुलांसाठी आरामदायी असतात.

लहान मुलं संवेदनशील असतात. प्रवासात मुलांना इन्फेक्शन होऊ शकतं. त्यामुळे सोबत हँड सॅनिटायझर, अँटिसेप्टिक लिक्विड जरूर ठेवा.