टॉयलेटसाठी वेस्टर्न नाही तर भारतीय पद्धतच आहे योग्य; संशोधनातून झाला मोठा खुलासा

शौचालयाचा वापर केल्यावर टॉयलेट पेपर वापरावा की, पाणी यावर बरीच चर्चा होते. शौचालयाचा वापर सगळेचजण करतात. रोजच्या आयुष्याचा तो एक भाग आहे. वैयक्तिक स्वच्छता सर्वात जास्त महत्वाची असते. एका संशोधनानुसार टॉयलेट पेपर वापरण्यापेक्षा भारतीय पद्धती प्रमाणे पाणी वापरणं जास्त चांगलं असल्याचा दावा करण्यात आला आहे.

तज्ज्ञांच्या दाव्यानुसार टॉयलेट पेपरच्या वापराने योग्य पद्धतीने स्वच्छता होत नाही तर, काही डॉक्टरांच्या मते यामुळे इन्फेक्शन होण्याची जास्त भीती असते. यामुळे युरिन ट्रॅक इन्फेक्शन,फिशर सारखे त्रास होतात. तर जास्त वापराने ती जागा फाटू शकते.

काही लोकांच्या मते पाण्याच्या वापरापेक्षा टॉयलेट पेपरचाच वापर चांगला आहे. त्यामुळे त्यांनी टॉयलेट पेपर वापरायला दुजोरा दिला आहे.

यासंदर्भात ऑथर रोज जॉर्ज यांनी लिहिलेल्या बिग नेसेसिटी: द अनमेन्सनेबल वर्ल्ड ऑफ ह्यूमन वेस्ट अ‍ॅन्ड व्हाईट इट मॅटर्समध्ये (Big Necessity: The Unmentionable World of Human Waste and Why It Matters) देण्यात आलेल्या माहितीनुसार टॉयलेट पेपर वापरणारे लोक आपल्यासोबत घाण घेऊन फिरत असल्याचा भास होतो असं लिहिण्यात आलं आहे.

भारतीय लोकांमध्ये पाश्चिमात्य संस्कृतीचा जास्त वापर करण्याची सवय वाढली आहे. वरकरणी त्यांच्या सवयी चांगल्या वाटत असल्या तरी, काही गोष्टी नुकसानदायक ठरू शकतात.

त्यामुळे घरी किंवा ऑफिसमध्ये पाण्याचा वापर करुन आपले हातही स्वच्छ धुवावेत.

भारतीय पाश्चिमात्यांचं अनुकरण करत असले तरी, सगळेच देश टॉयलेट पेपरचा वापर करतात असं नाही.

ब्रिटन, ऑस्ट्रेलिया आणि अमेरिकेत टॉयलेट पेपर वापरत असले तरी, जपान, इटली,ग्रीस सारख्या देशांमध्ये आजही पाण्याचाच वापर केला जातोय .