Hemoglobin : या गोष्टी खाऊन राहा Tension free; रक्तात हिमोग्लोबीनचं प्रमाण राहील एकदम उत्तम

राजगिराच्या बिया आणि पाने या दोन्हीमध्ये लोह, कॅल्शियम, प्रथिने, जीवनसत्त्वे अ, ब आणि क भरपूर प्रमाणात असतात. लापशी, लाडू, पराठे बनवून तुम्ही ते खाऊ शकता आणि तुमच्या संध्याकाळच्या स्नॅक्ससाठी टिक्कीच्या स्वरूपात देखील खाऊ शकता. हिवाळ्यात लोहाची कमतरता दूर करण्यासाठी याचे सेवन जरूर करा.

हिवाळ्यात पालक मोठ्या प्रमाणात खाल्ला जातो. पालकामध्ये लोह आणि कॅल्शियम दोन्ही मुबलक प्रमाणात असते. तुम्ही पालक खाण्याच नवीन प्रयोग म्हणून तुमच्या हेल्दी स्मुदीमध्ये घालू शकता किंवा पालक सूप बनवून ते पिऊ शकता.

साखरेच्या तुलनेत गुळात कॅलरीज खूप कमी असतात. गुळात लोह, मॅग्नेशियम आणि पोटॅशियम मुबलक प्रमाणात असते. लोह पुरवण्याव्यतिरिक्त, गूळ पचनास मदत करते आणि महिलांना मासिक पाळीमध्ये क्रॅम्पपासून आराम देते.

ब्रोकोली खाल्ल्याने शरीरातील लोहाची कमतरता पूर्ण होते. यामध्ये व्हिटॅमिन-सी देखील भरपूर असते जे शरीराला आजारांपासून वाचवते. हिवाळ्यात ब्रोकोली जरूर खा. त्याची भाजी तुम्ही खाऊ शकता किंवा त्यापासून गरम सूपही बनवू शकता.

हिवाळ्यात आपल्या आहारात व्हिटॅमिन सी समृद्ध फळांचा अधिकाधिक समावेश करा. हे तुमच्या शरीरात लोहाचे चांगले शोषण करण्यास मदत करू शकते. यासोबतच ते रोगप्रतिकारक शक्ती देखील मजबूत करते ज्यामुळे तुम्ही व्हायरल इन्फेक्शनपासून दूर राहू शकता.

हिवाळ्यात लोखंडी भांड्यांमध्ये अन्न शिजवा. तुम्हाला या लोहयुक्त पदार्थांचा जास्तीत जास्त फायदा घ्यायचा असेल, तर तुम्ही विविध पदार्थ लोखंडी भांड्यात शिजवावेत. यामुळे शरीर निरोगी राहते आणि आजार टाळता येतात.