Diabetes : साध्या वाटणाऱ्या सवयी मधुमेहींसाठी ठरू शकतात मोठी चूक, आत्ताच बदला

मधुमेहींसाठी रक्तातील साखर नियंत्रणात ठेवणे खूप महत्त्वाचे आहे. मात्र बऱ्याचदा काही दैनंदिन सवयी मधुमेहींसाठी मोठी चूक ठरू शकतात. जाणून घ्या शुगर लेव्हल मॅनेज करण्यासाठी कोणत्या गोष्टी आवश्यक आहेत.

सकाळचा नाश्ता : झी न्यूजमध्ये दिलेल्या माहितीनुसार, मधुमेहींसाठी नाश्ता खूप महत्त्वाचा आहार आहे. नाश्ता न करता थेट दुपारचे जेवण केल्याने रक्तातील साखर वाढते. म्हणूनच सकाळचा नाश्ता खूप जास्त महत्वाचा असतो.

हिरड्यांचा त्रास : अमेरिकन डेंटल असोसिएशनच्या मते, हिरड्यांच्या आजारामुळे रक्तातील साखरेची पातळी देखील वाढू शकते. जेव्हा हिरड्यांचा आजार अधिक गंभीर होतो तेव्हा त्याला पीरियडॉन्टायटिस म्हणतात, ज्यामुळे रक्तातील साखरेची पातळी दीर्घकाळ धोक्यात राहते आणि मधुमेहाचा धोका निर्माण होतो.

डिहायड्रेशन : शरीरात पाण्याची कमतरता झाल्यास रक्तातील साखरेची पातळी वाढू शकते. डिहायड्रेशनमुळे हायपरग्लायसेमिया देखील होऊ शकतो. त्यामुळे डिहायड्रेशन होऊ देऊ नका.

आर्टिफिशियल स्वीटनर्स : साखर चालत नाही कृत्रिम स्वीटनर्स वापरणे योग्य असे लोकांना वाटते. परंतु असे नाही. काही अभ्यासातून असे आढळले की, कृत्रिम गोड पदार्थ रक्तातील साखरेची पातळी वाढवतात.

कॉफी : उच्च रक्तातील साखरेची पातळी असलेल्या लोकांनी कॉफीचे सेवन करणे टाळावे. कारण त्यात कॅफीन असते, जे आरोग्यासाठी नुकसानदायक असते. (सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)