आहारात 'हे' 5 पदार्थ असू द्या, परीक्षेचं टेंशन होईल लगेच दूर

सध्या परीक्षांचा काळ आहे. लवकरच 10वी,12वी परीक्षा सुरू होतील. सगळे जण अभ्यासाला लागलेत. परीक्षेच्या काळात तणाव कमी करण्यासाठी आहारात ठराविक पदार्थ ठेवलेत तर नक्कीच फायदा होईल.

नाशपती फळ हे बहुपयोगी आहे. त्यात व्हिटॅमिन सी, मोठ्या प्रमाणात एंटीऑक्सिडेंट असतं. त्यामुळे पेशींना आराम मिळतो. त्यानं तणाव दूर होतो.

चेरी हे गोड फळ आहे. त्यानं झोप चांगली येते. हीलिंग फूड्स या पुस्तकानुसार चेरीत मेलाटोनिन (melatonin) जास्त असतं. त्यानं झोप येऊन तणाव दूर होतो.

गोजीबेरी किंवा वुल्फबेरी नावाचं फळ बाजारात मिळतं. हे चायनीज फळ आहे. त्यात कोलीन असतं. तणाव दूर करण्यासाठी त्याचा उपयोग होतो.

दुधात व्हिटॅमिन B 12 असतं. मेंदूसाठी ते उपयुक्त आहे. एनर्जीही वाढते. परीक्षेच्या काळात पचत असेल तर नियमित दूध घ्या. दूध पचत नसेल तर दही खायला हरकत नाही.

अंड खूप महत्त्वाचं आहे. त्यात प्रोटीन, कोलिन, व्हिटॅमिन B असतं. त्यानं स्मरणशक्ती वाढते. एनर्जी वाढते. अंडं बहुपयोगी आहे.