ऐन मुंबईत आहे ही रंगीबेरंगी गल्ली! लालबागमधली मसाल्यांची अनोखी दुनिया पाहा

मुंबई: मुंबईच्या तप्त उन्हांत लालबागच्या गल्लीत एक वेगळीचं दुनिया सजलेली असते. ही रंगीबेरंगी दुनिया असते मसाल्यांची. या गल्लीत नजर जाईल तिथे मसाल्यांचीचं दुकानं बघायला मिळतात.

उन्हाळ्यात गावोगावी वाळवणाचं हे चित्र काही नवं नाही. मात्र मुंबईतील लालबागमध्ये सुद्धा अशी ही मसाल्यांची दुनिया भरते हे थोडं कौतुकास्पद आहे.

तो मसाल्यांचा सुगंध, त्या आठवणी असं सारं काही घेऊन ही गल्ली दरवर्षी उन्हाळ्यात लाल रंगात सजते.

लालबागच्या या गल्लीत जवळ जवळ पन्नासच्या आसपास मसाल्यांची होलसेल दुकाने आहेत.

तिखट, हळद, विविध वाळवणांचे पदार्थ करण्याचा. मसाल्यांची पूर्ण वर्षभराची तयारी करण्याचा हा उत्तम काळ असतो.

मसाल्याची लज्जत आणि अनेक वर्षांचा इतिहास जपणारी ही मसाला गल्ली आहे. अनेक लोकांना यामुळे रोजगाराची संधीसुद्धा उपलब्ध झाली आहे.

चवीत कोणताही बदल न होऊ देता आजही लालबागची मसाला गल्ली वर्षानुवर्षे अनेकांच्या जेवणाची लज्जत वाढवत आहे.