लोकांच्या खाण्या- पिण्याच्या सवयी असतात तसंच झोपण्याबाबतही असतं. कोणाला अंगावर चादर ओढून झोपण्याची सवय असते तर कोणी तोंड खुपसून झोपतं. यातल्या काही सवयी घातकही आहेत. यामुळे अनेक समस्या निर्माण होऊ शकतात...

झोपताना डोक्यावर पांघरून ओढून झोपल्यावर अनेकांना झोप लागते. तुम्हाला अशी सवय असेल तर झोप लागण्यापूर्वी थोडावेळ तोंड उघडं ठेवा त्यामुळे ऑक्सिजनचा पुरवठा शरीराला होईल.

श्वसनाचे आजार असलेल्यांनी विशेषत: अस्थमा, हृदय विकार असणाऱ्यांनी तर तोंड झाकून अजिबात झोपू नये. अन्यथा श्वास गुदमरण्याचा त्रास होऊ शकतो.

स्लीप अॅप्निया एक अशी स्थिती आहे ज्यामुळे झोपल्यावर श्वास घेण्यासाठी त्रास होऊ शकतो. त्यामुळे लठ्ठपणा येण्याची शक्यता असते. त्यामुळे तोंडावर घेऊन झोपणं टाळलं पाहिजे.

तोंडावर घेऊन झोपल्याने गरमीचा त्रास होऊन झोपमोड होउ शकते. त्यामुळे सूजणे, चक्कर येणे किंवा अंग दुखण्याचा त्रास होइ शकतो. परिणामी थकवा जाणवतो.

एका संशोधनानुसार तोंडावर घेऊन झोपल्याने ब्रेन डॅमेजचा धोकाही संभावतो. पांघरून पूर्ण ओढून झोपल्यावर शरीराला ऑक्सिजनचा पुरवठा कमी होतो.

तोंड खुपसून झोपल्याने अल्झायमर आणि डिमेन्शिया होण्याची शक्यता असते यामुळे तुम्हालाही अशी सवय असेल तर काळजी घ्या.

टीप- या लेखात दिलेली माहिती आणि सूचना ही सर्वसामान्य माहितीवर आधारित आहे. न्यूज18 लोकमत याची पुष्टी करत नाही. याची अंबलबजावणी करण्यापूर्वी तज्ज्ञांशी संपर्क साधावा.