आता बँकेच्या ATM कार्डवर छापा मुलांचे फोटो

देशातील सगळ्यात मोठी सरकारी बँक SBI मध्ये तुम्ही लहान मुलाचं खातं उघडू शकता. स्टेट बँक ऑफ इंडियामध्ये अशी अनेक प्रकारची खाती उपलब्ध आहेत. या खात्यामध्ये कमीत-कमी बॅलन्स ठेवणं बंधनकारक नाही.

स्टेट बँकेनं दिलेल्या माहितीनुसार ‘पहिला कदम’ आणि ‘पहिली उडान’ या दोन योजनांअंतर्गत लहान मुलाचं किंवा मुलीचं खातं उघडू शकता. यामुळे मुलांसाठी बचत करायला मदत होईल आणि मुलांना आर्थिक व्यवहाराची माहितीसुद्धा मिळेल.

पहला कदम आणि पहिली उडान या योजनेअंतर्गत तुम्ही बँकेमध्ये 5 हजारांपासून खातं सुरू करू शकता. आणि एटीएमद्वारे ऑनलाईन खरेदी देखील करू शकता. खरेदी करताना तुम्हाला बॅलन्सचा विचार करणं गरजेचं नाही. कारण या खात्याच्या प्रकारात अमुक इतका बॅलन्स असलाच पाहिजे असं बंधन नाही.

मुलांना बँकेच्या व्यवहाराबाबत फार कमी माहिती असते. त्यामुळे ATM वर त्यांचे फोटो छापल्यानं त्यांना फार कौतुक वाटतं. बँकेमध्ये एटीएमसाठी अर्ज करताना बँक कर्मचाऱ्याला मुलाचा फोटो छापण्याबाबत माहिती द्या. त्यानंतर बँककडून फोटो असलेलं एटीएम कार्ड जारी करण्यात येईल.