"मला माझ्या बायकोपासून वाचवा", महिला हेल्पलाइनवर पत्नी पीडित पुरुषच मागू लागले मदत

महिलांवरील अन्याय, त्यांना दिली जाणारी वागणूक पाहता गेल्या काही दशकांपासून महिलांच्या सशक्तीकरणासाठी प्रयत्न सुरू आहेत. महिलांसाठी अनेक हेल्पलाइन, आयोग, संस्था स्थापन करण्यात आल्या.

मात्र खास महिलांसाठी असलेल्या या हेल्पलाइनवर आता पुरुषांच्याच तक्रारी येऊ लागल्या आहेत.

डेहराडूनच्या महिला हेल्पलाइनवर दररोज पत्नी पीडित पुरुषांचे फोन येत आहेत. गेल्या अडीच वर्षात पुरुषांच्या आपल्या पत्नीविरोधात तब्बल 900 पेक्षा अधिक तक्रारी आल्या आहेत.

महिला हेल्पलाइनच्या सीओ पल्लवी त्यागी यांनी सांगितलं, महिला हेल्पलाइनवर येणाऱ्या पुरुषांच्या सर्वाधिक तक्रारी या कौटुंबिक वाद किंवा पती-पत्नीमध्ये पटत नसल्याच्या असतात.

बहुतेक प्रकरणात सासू-सासऱ्यांशी न पटणं हेच भांडणाचं मुख्य कारण आहे. मात्र काही प्रकरणात पत्नीचे विवाह्यबाह्य संबंधही कारणीभूत आहेत, असं त्यागी यांनी सांगितलं.

त्यागी म्हणाल्या, ज्या पुरुषांच्या महिला हेल्पलाइनवर तक्रारी येतात त्यांना बोलवून त्याचंं आम्ही समुपदेशन करतो आणि चर्चेतूनच पत्नी-पत्नीमधील वाद मिटवण्याचा प्रयत्न करतो. सामंजस्याने काही झालं नाही तर मग पोलीस ठाण्यात प्रकरण देतो.