पुन्हा वाढले कोरोना रुग्ण; आता फक्त आरोग्य क्षेत्रातील नाही तर सीमेवरच्या योद्धांनाही देणार लस

रशियामध्ये पुन्हा कोरोना रुग्णांचा आकडा झपाट्यानं वाढू लागला आहे. त्यामुळे आता देशाचं संरक्षण करणाऱ्या जवानांना कोरोनापासून संरक्षण देण्याच्या हालचाली सुरू झाल्यास आहेत. (फोटो सौजन्य - एपी)

रॉयटर्सच्या वृत्तानुसार रशियामध्ये चार लाखांपेक्षा अधिक जवानांना कोरोनाची लस दिली जाणार आहे, अशी माहिती रशियाचे संरक्षणमंत्री सेरगेई शोईगू यांनी दिली आहे.  (फोटो सौजन्य - एपी)

आतापर्यंत 2,500 जवानांचं लशीकरण केल्याचंही त्यांनी सांगितलं. या वर्षाअखेरपर्यंत 80,000 जवानांना लस देण्याचा उद्देश आहे. (फोटो सौजन्य - एपी)

रशियामध्ये सप्टेंबरपासून कोरोना रुग्णांची संख्या पुन्हा वाढू लागली आहे. आज 27,543 नवे कोरोना रुग्ण आढळून आले. आता एकूण रुग्णांची संख्या 2,215,533 झाली आहे.

जगात सर्वाधिक कोरोना प्रकरणं असलेल्या देशांच्या यादीत रशिया चौथ्या क्रमांकावर आहे. यूएस, भारत, ब्राझीलनंतर रशियाचा नंबर लागतो. रशियात कोरोनाचा उद्रेक झाल्यापासून आतापर्यंत 38,558 कोरोना रुग्णांचा मृत्यू झाला आहे.