रिया चक्रवर्तीने कसे घालवले जेलमध्ये 28 दिवस; काय काय करायची अभिनेत्री पाहा

सुशांत सिंह राजपूत (Sushant Singh Rajput Case) प्रकरणात ड्रग्ज अँगलच्या तपासात अटक झालेल्या अभिनेत्री रिया चक्रवर्तीला (Rhea Chakraborty) मुंबई हायकोर्टाने अखेर जामीन दिला. 7 ऑक्टोबरला तिची तुरुंगातून सुटका झाली. तब्बल 28 दिवस तिने तुरुंगात काढले. तुरुंगात ती कशी राहिली ते पाहा.

रियाचे वकील सतीश मानशिंदे यांनी रिया जेलमध्ये कशी राहायची याची माहिती दिली आहे. तिचा महिनाभराचा दिनक्रम त्यांनी सांगितला आहे.

एनडीटीव्हीशी बोलताना सतीश मानशिंदे यांनी रियाचा बंगाली वाघीण असा उल्लेख केला. जेलमध्ये रियाने स्वतःला सकारात्मक ठेवण्याचा प्रयत्न केला आणि आता जेलबाहेर आल्यानंतर आपली प्रतीमा चांगली करण्यासाठी ती लढणार आहे. (फोटो सौजन्य - @rhea_chakraborty/इन्स्टाग्राम)

इतक्या वर्षांनंतर वैयक्तिकरित्या मी जेलमध्ये कोणत्या क्लाइंडला भेटलो तर ती रिया. कारण तिच्या मागे अनेक तपास यंत्रणा होत्या आणि तिला त्रास दिला जात होता. तुरुंगामध्ये ती कोणत्या परिस्थितीत आहे, हे मला पाहायचं होतं. तुरुंगात ती खूप चांगल्या प्रकारे राहत होती, स्वतःची देखभाल करत होती हे पाहून मला खूप समाधान वाटलं. (फोटो सौजन्य - @rhea_chakraborty/इन्स्टाग्राम)

कैद्यांना ती योगा शिकवायची. तुरुंगात राहण्याच्या परिस्थितीनुसार तिनं स्वतःमध्ये बदल केले, तिथं जुळवून घेऊ लागली. कोरोना परिस्थितीमुळे तिला घरचं जेवण मिळायचं नाही त्यामुळे जेलमधीलच जेवण खायची सवय तिने लावली. सामान्य महिलेप्रमाणेच इतर कैद्यांसोबत ती राहायची. (फोटो सौजन्य - @rhea_chakraborty/इन्स्टाग्राम)

एका जवानाची मुलगी असल्याने युद्धासारख्या परिस्थितीशी तिनं सामना केला. शिवाय तिच्यावर आरोप करणाऱ्या आणि तिचं नुकसान करू इच्छिणाऱ्या कोणत्याही व्यक्तीचा सामना करण्यासाठी तयार आहे, असं सतीश मानशिंदे यांनी सांगितलं.