टीव्हीवरील नाही तर रिअल लाइफमधील Super Heroes; यांच्याकडे आहे खरी सुपरपॉवर

टीव्हीवर आपण सुपरमॅन, स्पायडरमॅन, बॅटमॅन, आयर्नमॅन यांना पाहतच आलो आहे. रिल लाइफमधील या सुपरहिरोंचे तुम्ही फॅनही असाल. मात्र रिअल लाइफमधील सुपरहिरो तुम्ही पाहिलेत का? त्यांच्यातील जेनेटिक बदलामुळे त्यांना सुपरपॉवर मिळालेली आहे.

जेटमॅन (Jet-Man) - स्वित्झर्लंडमधील प्रोफेशनल पायलट आणि एरोनॉटिकल इंजिनीअर येवेस रूस्सी (Yves Rossi) हे पहिले  jet-pack-powered flight आहेत. आपण बॅटमॅनपासून प्रेरणा घेतल्याचा दावा त्यांनी केला आहे. (फोटो सौजन्य - इन्स्टाग्राम)

टॉर्चर किंग (Torture King) - टिम क्रिडलँड यांची सुपरपॉवर म्हणजे त्यांना सामान्य व्यक्तीप्रमाणे अजिबात वेदना होत नाही. कोणतंही धारदार शस्त्र अंगावर झेलणं असो किंवा आगीमध्ये चालणं असो याचा काहीच त्रास त्यांना होत नाही. कारण त्यांना त्याच्या वेदना जाणवत नाहीत. (फोटो सौजन्य - इन्स्टाग्राम)

लवचिक पोट (Elastic Stomach) - टेकेरू कोब्याशी (Takeru Kobayashi) कितीही खाऊ शकतात. त्यांचं पोट लवचिक आहे. त्यांनी कितीही खालं तरी त्यांना अपचनाचा त्रास होत नाही. त्यांचं पोट सहजपणे ते पचवतं. (फोटो सौजन्य - इन्स्टाग्राम)

मि. इट इव्हरिथिंग (Mr Eat Everything) - फ्रेंचमधील मायकेल लोटिटो (Michel Lotito) यांना Mr. Eats All म्हणून ओळखलं जातं. त्यांना जो डायजेस्टिव्ह डिसॉर्डर आहे, त्याला पिका (Pica) असं म्हटलं जातं. ज्यामुळे ते काच, रबर, दगड, धातू अशा कोणत्याही वस्तू खाऊ शकतात. यामुळे त्यांच्या पोटाला आणि आतड्यांना कोणतीही इजा होत नाही. (फोटो सौजन्य - इन्स्टाग्राम)

सुपरह्युमन स्ट्रेन्थ (Superhuman Strength) - मिशिगेनमधील लिआम होएकस्ट्रा (Liam Hoekstra) याच्या शरीरात म्योस्टॅटिन ( myostatin) हे प्रोटिन ब्लॉक होऊ शकतं, हे प्रोटिन मसल ग्रोथसाठी महत्त्वाचं असतं. त्यामुळे कोणत्याही ट्रेनिंग, व्यायामाशिवाय त्याचे स्नायू नैसर्गिकरित्या मजबूत आहेत. (फोटो सौजन्य - इन्स्टाग्राम)

हायपर प्रोटोग्राफिक मेमरी - अभिनेत्री मेरिलू हेन्नर (Marilu Henner) हिला हायपरथायमेसिया (hyperthymesia) आहे. दशकांपूर्वी घडलेल्या कोणत्याही घटनेबाबत अगदी छोटी छोटी माहितीही तिला आठवते. (फोटो सौजन्य - इन्स्टाग्राम)

सुपर फ्लेक्झिबिलिटी - अभिनेता जेव्हिअर बोटेट इतका लवचिक आहे तो स्वत:ला कोणत्याही पद्धतीने वाकवू शकतो. त्याला मार्फफॅन सिंड्रोम (Marfan syndrome) आहे. (फोटो सौजन्य - इन्स्टाग्राम)

डिसीज रेजिस्टन्स - स्टिफन क्रोन्स (Stephen Crohn) यांच्यामध्ये delta 32 mutation आहे. जे CD4 पांढऱ्या रक्तपेशींना संरक्षण देतं. त्यामुळे त्यांना एड्सची लागण होऊ शकत नाही. त्यांच्यामध्ये HIV विरोधात नैसर्गिकरित्याच क्षमता आहे. (फोटो सौजन्य - इन्स्टाग्राम)