स्मार्टफोनवरच कोरोनाचं निदान; फक्त 30 मिनिटांत रिपोर्ट हातात

सध्या कोरोनाव्हायरसची लागण झाली आहे की नाही याचं निदान करण्यासाठी आरटी-पीसीआर टेस्ट केली जाते. ज्यासाठी संबंधित व्यक्तीचे स्वॅब नमुने घेतले जातात. ते तपासणीसाठी प्रयोगशाळेत पाठवले जातात आणि त्याचा रिपोर्ट यायलाही खूप वेळ लागतो.

मात्र आता अमेरिकेतील भारतीय शास्त्रज्ञाने आपल्या टीमसह मिळून एक पोर्टेबल रॅपिड कोरोना टेस्ट तयार केली आहे. जी कुठेही आणि कुणालाही करता येईल, अशी सहजसोपी टेस्ट आहे.

कोरोनाच्या या रॅपिड टेस्टचं नाव आहे एलएएमपी (LAMP). पीएनएएस जर्नलध्ये ( PNAS journal) या टेस्टबाबत अधिक माहिती देण्यात आली आहे. (फोटो सौजन्य - PNAS)

या टेस्टचं वैशिष्ट्य म्हणजे ते तपासणीसाठी कोणत्याही लॅबमध्ये पाठवण्याची गरज नाही आणि फक्त फक्त 30 मिनिटांत रिपोर्ट स्मार्टफोनवर मिळू शकतो. शिवाय आरटी-पीसीआर टेस्टप्रमाणे वेगवेगळ्या तापमानाचीही गरज नाही. एकच विशिष्ट तापमान लागतं. ((फोटो सौजन्य - PNAS)

अमेरिकेतल्या इलिनोइस युनिव्हर्सिटीतील बायोइंजिनीअरिंगचे प्राध्यापक राशिर बशीर म्हणाले, या उपकरणाला आणि टेस्टला परवानगी दिली तर अनेक सार्वजनिक ठिकाणांसह घरच्या घरीही स्वत:ची कोरोना टेस्ट करू शकतो.

सर्वच बाबतीत एलएएमपी टेस्ट आरटी-पीसीआर टेस्टेपक्षा  जास्त प्रभावी आहे, असं शास्त्रज्ञांनी सांगितलं आहे.