केस मजबूत बनवण्यासोबत जेवणाचीही चव वाढवते कांदा लसणाची साल, फेकून देण्यापूर्वी हे फायदे नक्की वाचा

कांदा आपल्या केसांसाठी खूप फायदेशीर असतो. यामध्ये सल्फर असते जे आपले केस चमकदार बनवण्यास मदत करते आणि केस मजबूतदेखील करते. त्यामुळे कांद्याची साल देखील आपल्या केसांसाठी उपयुक्त असते. कांद्याची साल पाण्यामध्ये उकळा. नंतर पाणी थंड करा आणि केसांना शॅम्पू केल्यानंतर या पाण्याने धुवा. याचा केसांना फायदा होतो.

कांदा आणि लसणाच्या सालीचा वापर भाजी बनवण्याव्यतिरिक्त आपण सूप करण्यासाठीदेखील करू शकता. यामुळे चव तर वाढतेच शिवाय कांदा आणि लसणामध्ये असलेले पोषक घटकही शरीरामध्ये जातात. हे सूप तयार झाल्यावर गाळणीने गाळून घेऊ शकता किंवा चमच्याने साली बाजूला काढू शकता.

जेवणात लसूण वापरल्याने जेवणाची चव वाढते. कांदा आणि लसूण कोणत्याही पदार्थात घातल्यास जेवण रुचकर होते. कांदा-लसूण सोलून त्याची साल भाजून घ्या आणि त्याची पावडर बनवा. ही पावडर तुम्ही भाज्या शिजवताना त्यामध्ये घालू शकता किंवा सॅलडमध्येही टाकून शकता.

कांद्याची साल रात्रभर पाण्यात भिजवून ठेवा आणि ते पाणी सकाळी प्या. याचे तुमच्या आरोग्याला अनेक फायदे होतात. या पाण्याची चव तितकीशी बारी नसली तरीदेखील यात साखर टाकून पिल्याने चवीत फरक पडतो. रोज हे पाणी पिल्यास बॅड कोलेस्ट्रॉल कमी होण्यास मदत मिळते.

पायांमध्ये खाज सुटणे ही एक समस्या आहे. यासाठीही आपण कांदा-लसूण वापरू शकता. कांदा आणि लसणाची साल पाण्यात टाकून उकळा आणि त्याच पाण्यात तुमचे पाय ठेवा. असे केल्याने तुम्हाला थोड्या वेळात आराम मिळेल आणि खाज सुटण्यापासूनही सुटका मिळेल.