आता CNG ट्रॅक्टरमुळे शेतातील खर्च होणार कमी; जाणून घ्या 5 महत्त्वाचे फायदे

केंद्र सरकारने 2022 पर्यंत शेतकऱ्यांचं उत्पन्न दुप्पट करण्याचं लक्ष्य ठेवलं आहे. शेती करणं सोपं व्हावं आणि त्यासाठी लागणारी खर्च कमी असावा यासाठी पाऊल उचलली जात आहे. शेती नांगरण्यासाठी शेतकरी ट्रॅक्टरचा वापर करतात. सरकारचा दावा आहे की, जेव्हा शेतकरी साध्या ऐवजी सीएनजीच्या ट्रॅक्टरचा वापर करतील तर त्यांची वर्षाला 1.5 लाख रुपयांची बचत होईल.

12 फेब्रुवारी रोजी केंद्रीय परिवहन मंत्री नितीन गडकरी यांनी CNG ट्रॅक्टरचं उदघाटन केलं. त्यांनी ट्रॅक्टरचे अनेक फायदे सांगितले. सरकारने दावा केला आहे ती, सीएनजी ट्रॅक्टरमुळे शेतकऱ्यांना बरीच मदत होईल. डिजेल ट्रॅक्टरच्या तुलनेत रेट्रोफिटेड सीएनजी ट्रॅक्टरचा वापर केला तर कमी खर्च येईल. आणि इंधनात बचत होईल.

नितीन गडकरींनी केलेल्या दाव्यानुसार प्रत्येक वर्षी शेतकरी 3 ते 3.5 लाख रुपये डिजेलवर खर्च करतो. अशात सीएनजीच्या वापरामुळे वर्षाला 1.3 लाखांपर्यंत बचत करता येऊ शकते. नितीन गडकरी यावेळी म्हणाले की, सीएनजी किट मेक इन इंडियाअंतर्गत तयार करण्यात येणार आहे.

वाढत्या प्रदूषणावरही सीएनजी ट्रॅक्टर फायदेशीर ठरणार आहे. काही राज्यांमध्ये मोठ्या प्रमाणात शेती होते. डिजेलचं इंधन असल्याने प्रदूषण वाढतं. मात्र सीएनजी चलीत ट्रॅक्टर असल्याने प्रदूषणाच्या स्तरावर मोठी घट दाखल केली जाऊ शकते. डिजेलच्या तुलनेत सीएनजीमध्ये कार्बन उत्सर्जनात 70 टक्के कमी होते.

डिजेल ट्रॅक्टरमध्ये कार्बन डाय ऑक्साइडमुळे अनेक अडचणी येतात. जे ठीक करण्सासाठी शेतकऱ्यांना वारंवार अडथळा येतो, ज्याच्या डागडुजीसाठी वारंवार खर्च करावा लागतो.

डिजेल ट्रॅक्टरच्या तुलनेत सीएनजी ट्रॅक्टरची लाइफ जास्त असते. महत्त्वाची बाब म्हणजे सीएनजी ट्रॅक्टरला स्टार्ट करण्यासाठी डिजेलची आवश्यकता असते. म्हणजे ट्रॅक्टरमध्ये डिजेल इंधनही असेल. मात्र स्टार्ट झाल्यानंतर ट्रॅक्टरचा इंधनाचा स्त्रोत बदलून सीएनजीवर शिफ्ट होईल. ज्यामुळे शेतकरी आपल्या शेतीवरील खर्च कमी करू शकतील.