इथे 2 हजार फूट उंचीच्या डोंगरावर बनतंय हॉटेल, हवेत लटकणार स्विमिंग पूल

नॉर्वेमधल्या या हॉटेलमधला स्विमिंग पूल काचेचा असेल आणि तो हवेत लटकता असणार आहे. या हॉटेलचं डिझाईन टर्कीच्या एका आर्किटेक्टने केलं आहे.

नॉर्वेमधल्या प्रिकेस्टोलनमधल्या डोंगरात हे हॉटेल बांधलं जाणार आहे. दक्षिण नॉर्वेमधल्या डोंगरावर अनेक पर्यटक येतात. पर्यटकांची वाढती मागणी पाहून हे हॉटेल वेगाने बांधलं जाणार आहे.

हे हॉटेल डोंगराच्या अगदी कडेवर बांधलं जाणार आहे. या स्विमिंग पूलमध्ये डुंबायला तर धम्माल येईल.

हे हॉटेल चारमजली असणार आहे. हॉटेलच्या टेरेसवरून दरीतलं विहंगम दृश्य दिसेल. नॉर्वेच्या सरकारने या हॉटेलच्या बांधकामाला अजून परवानगी दिलेली नाही. पण असं हे हॉटेल जगातलं एकमेव असेल.

याआधी लंडनमधल्या उंच इमारतीच्या 55 व्या मजल्यावर स्विमिंग पूलचं डिझाईन पाहायला मिळालं होतं. याला इन्फिनिटी लंडन असं नाव देण्यात आलं होतं. या स्विमिंग पूलमधून लंडनचं 360 अंशातलं दृश्य दिसू शकेल.