मुंबईत कोरोना रुग्ण दुपटीचा कालावधी पुन्हा कमी झाला; पाहा कोणत्या ठिकाणी धोका वाढला

मुंबईतील कोरोनाची स्थिती पुन्हा एकदा भयानक रूप धारण करत आहे. गेल्या काही दिवसांत कोरोना रुग्ण दुप्पट होण्याच्या कालावधी वाढत होता. त्यामुळे समाधान व्यक्त केलं जात होतं. मात्र आता हा कालावधी लक्षणीयरित्या कमी होताना दिसत आहे.

काही दिवसांपूर्वी मुंबईतील कोरोना रुग्ण दुपटीचा दर 90 दिवस होता, जो आता अवघ्या 58 दिवसांवर आला आहे. त्यामुळे मुंबईकरांची चिंता वाढली आहे.

कमी दिवसात सर्वात जास्त रुग्ण आढळण्याचं प्रमाण उपनगरात सर्वात जास्त आहे.

बोरिवली, गोरेगाव, दहीसर या ठिकाणी अनुक्रमे 41, 42, 43 दिवसांतच रुग्ण दुपटीने वाढत आहेत. तर मुलुंड, कांदिवली आणि अंधेरीमध्ये हा दर अनुक्रमे 46, 47, 50 दिवस आहे.

कोरोनाचे सर्वाधिक 9724 रुग्ण  मालाड,  बोरिवलीत आहे, 10 सप्टेंबरपर्यंत इथं 9713 रुग्णांची नोंद झाली आहे.