फक्त 30 सेकंदातच कोरोनाव्हायरसचा नाश करतो MOUTHWASH; संशोधकांचा दावा

ब्रिटनमधील कार्डिफ युनिव्हर्सिटीच्या संशोधकांनी माऊथवॉश कोरोनाव्हायरसविरोधात लढण्यात किती प्रभावी ठरू शकतो, याचा अभ्यास केला.  लाळेतील कोरोनाव्हायरसचा नाश करण्यात माऊथवॉश उपयुक्त असल्याचं संशोधकांना दिसून आलं.

संशोधकांनी लॅबमध्ये कोरोनाव्हायरसवर माऊथवॉशचा प्रयोग करून पाहिला. फक्त 30 सेकंदात माऊथवॉश कोरोनाचा नाश करतो असं प्रयोगात दिसून आलं.

माऊथवॉशमध्ये कमीत कमी 0.07 टक्के सेटाइपॅरडिनियम क्लोराइड आहे, ज्यामध्ये व्हायरला मारण्याची क्षमता असल्याचं दिसून आलं, असं संशोधकांनी सांगितलं.

प्रयोगशाळेत तर माऊथवॉश कोरोनाविरोधात प्रभावी असल्याचं दिसून आलं, मात्र कोरोना रुग्णांसाठी तो किती फायद्याचा ठरेल हे पाहणं अजून बाकी आहे.

शिवाय माऊथवॉशच्या वापरानंतर व्हायरस फुफ्फुसापर्यंत पोहोचतो की नाही हेदेखील स्पष्ट झालेलं नाही. त्यामुळे याबाबत अधिक संशोधनाची गरज असल्याचं संशोधक म्हणाले.