Morning Routine : तुम्हीही सकाळी सर्वात आधी मोबाईल वापरता? सवय बदला, अन्यथा मेंदूवर होईल गंभीर परिणाम

हल्ली फोन, लॅपटॉप, इलेक्ट्रॉनिक वस्तू जवळपास सर्वांकडेच असतात. मात्र काहीवेळा लोक याचा अतिरेकी वापर करतात. मोबाईलशिवाय दिवस जात नाही. सकाळी डोळे उघडताच अनेकांना मोबाईल हवा असतो आणि झोपण्यापूर्वीही. पण सकाळी सकाळी मोबाईल वापरण्याची सवय क्ती घातक असते, चला जाणून घेऊया.

डोळ्यांवर अधिक प्रकाश : सकाळी उठल्यानंतर मोबाईल वापरल्याने प्रकाश पूर्णपणे डोळ्यांवर पडतो. याचा डोळ्यांवर परिणाम होतो. यामुळे दिवसभर डोळे तितके प्रभावीपणे काम करत नाहीत. त्यामुळे ही सवय थांबवल्याशिवाय हा धोका टाळता येणार नाही.

डोकं जड होणं : सकाळी सकाळी मोबाईलच्या वापरामुळे आपला संपूर्ण दिवस अधिक तणावपूर्ण जातो. डोकं जड वाटतं. दिवसभर डोकेदुखी जाणवते. तुम्हाला ही लक्षणे जाणवत असतील तर पहाटे मोबाईल वापरणं टाळा. तुमच्या आयुष्यात झालेला चांगला बदल तुम्हाला जाणवेल.

तणाव-चिंता : सकाळी सकाळी मोबाइलमध्ये एखादी नकोशी किंवा त्रासदायक गोष्ट पहिली तर संपूर्ण दिवस तणाव आणि चिंता पातळी वाढते. सकाळी बीपी वाढल्याने दाबही वाढतो, जो लोकांच्या आरोग्यासाठी धोकादायक असू शकतो.

नकारात्मक प्रभाव : पहाटे उठल्यानंतर एखादी भूतकाळातील एखादी अप्रिय घटना किंवा फोटो मोबाईलमध्ये पहिला तर त्याचा चुकीचा परिणाम व्यक्तीवर होतो. तज्ज्ञांच्या मते, याचा परिणाम असा होतो की, व्यक्ती भूतकाळाला वर्तमानात हायजॅक करते आणि नवीन दिवस नव्या पद्धतीने जगण्याऐवजी तो दिवस भूतकाळाच्या प्रभावाखाली जगते.

एकाग्रता कमी होते : झोपेतून उठल्यानंतर आधी मोबाइल पाहण्याच्या सवयीमुळे एकाग्रता कमी होते, असे एका सर्वेक्षणातून समोर आले आहे. त्याचा परिणाम गाडी चालवण्यापासून ते काम करण्यापर्यंत आणि अभ्यासावरही दिसून येतो.

सकाळी सकाळी ऍक्टिव्ह राहण्यासाठी मोबाईल पाहण्याऐवजी गाणी ऐकणे किंवा ध्यान केल्याने मेंदूला आराम मिळेल. यामुळे दिवसाची सुरुवातही चांगली होते आणि तुम्हाला दिवसभर निरोगी, अधिक ऊर्जावान वाटते.