सैफ-अर्जुनच्या गैरहजेरीत करीना-मलायकाची मजामस्ती; एका खास व्यक्तीसह केलं एन्जॉय

अभिनेत्री करीना कपूर आणि मलायका अरोरा दोघीही सध्या हिमाचल प्रदेशमध्ये आहेत. करीना सैफ अली खानसह आणि मलायका अर्जुन कपूरसह तिथं दिवाळी सेलिब्रेशन आणि सहलीसाठी गेली आहे.  मात्र सैफ-अर्जुन दोघंही भूत पोलीस फिल्मच्या शूटिंगमध्ये व्यस्त आहेत. त्यामुळे करीना आणि मलायका दोघंही एका खास व्यक्तीसोबत एन्जॉय करत आहेत.

करीना आणि मलायका धरमशालाच्या मॅकलोडगंजमध्ये निसर्गाचा आनंद लुटताना दिसत आहेत. आपला पती आणि बॉयफ्रेंडच्या गैरहजेरीत दोघीही एका खास व्यक्तीसह मजा लुटताना दिसत आहेत.

ही खास व्यक्ती आहे ती म्हणजे छोटा नवाब तैमूर अली खान. मलायकाने करीना आणि तैमूरसोबत एक फोटो शेअर केला आहे. करीनानं ब्लॅक ट्रॅक सूट आणि सन शेड्स घातलेला आहे. तर तैमूर राखाडी स्वेटरमध्ये खूपच छान दिसत आहे. मलायकाने घातलेल्या त्या कोटमध्ये ती खूपच सुंदर दिसत आहे. आई करीनाच्या मांडीवर बसलेल्या तैमूरकडे पाहून ती स्मितहास्य करताना दिसत आहे.

करीनानं आपल्या इन्स्टाग्राम अकाऊंटवर काही फोटो शेअर केले आहेत. तैमूरला खांद्यावर बसवून सैफ अली खान चालत असलेला एक सुंदर फोटो तिने शेअर केला आहे.

तर दुसऱ्या फोटोत बापलेकासह स्वतः करीनासुद्धा आहे. हे सुंदर फोटो अर्जुन कपूरनं काढले असल्याचं फोटोखाली तिनं लिहिलं आहे.

मलायकादेखील अर्जुनसोबत धरमशाला इथं एन्जॉय करते आहेत. आपले काही फोटो तिनं इन्स्टाग्रामवर शेअर केले आहेत.

अर्जुननंदेखील आपल्या सोशल मीडियावर मलायकाचे असे काही फोटो शेअर केले आहेत.