तुमचं बाळ झोपेत का हसतं माहिती आहे का?

लहान मूल घरात असेल तर घरं आनंदानं भरून जातं. लहान मुलाच्या असण्यानं घरात एक वेगळच चैतन्य असतं. घरातील प्रत्येकाच्या चेहऱ्यावर हास्य असतं.

लहान मुलं आपल्या विविध क्रियांनी आपलं मन आकर्षित करतात. प्रत्येक व्यक्तीला लहान मुलांना आपल्याजवळ घ्यायची इच्छा होते.

लहान मुलांमध्ये काही शारीरिक बदल होत असतात. त्यामुळे अगदी काही सेकंदात त्यांच्या चेहऱ्यावर, हावभावात आपल्याला बदल जाणवतात.

बऱ्याच वेळा पालकांना समजत नाही की मुलांना नेमकं काय होत आहे. त्यामुळे ते घाबरून जातात. मात्र पालकांनाही माहित हवं आपल्या बाळामध्ये कोणत्या प्रकारचा बदल का होत आहे.

लहान मुलांमध्ये होणाऱ्या अनेक बदलांतील एक बदल म्हणजे लहान मुलांचं झोपेत हास्य करणं. आपल्यालाही माहित असेल. प्रत्येक लहान मुलं हे झोपेत हसत असतं.

लहान मुलांच्या झोपेत हसण्याबद्दल अनेक कयास लावले जातात. मात्र तुम्हाला यामागचं खरं कारण माहित आहे का?

यामागचं पहिलं महत्त्वाचं कारण म्हणजे लहान मुलांमध्ये मानसिक विकास होणं. प्रत्येक दिवशी लहान मुलांमध्ये बदल होत असतात. त्यांचा मानसिक विकास होत असतो. त्यामुळे त्यांच्यात काहीतरी नवीन बघायला मिळत असतं. त्यातीलच एक गोष्टहीसुद्धा असते.

झोपेत असताना लहान मुलांच्या पोटात जर गॅससारखा त्रास जाणवत असेल तर ते रडायला लागतात आणि हाच गस शरीरातून जेव्हा बाहेर जातो तेव्हा लहान मुलांना आराम मिळतो आणि त्यांच्या चेहऱ्यावर हास्य येतं.

जेव्हा 30 दिवसांचं लहान मूल हसत असेल तर समजून जा की तो आपल्या आईला झोपेत बघत असतो. कारण 30 दिवसांचं लहान मूल चेहरा ओळखायला शिकतं आणि त्यामुळे बाळाजवळ जी व्यक्ती सर्वात जास्त असते तिला तो अचूक ओळखू लागतो आणि झोपतानाही त्यांचा चेहरा बघत असतो. बाळाच्या सर्वात जास्त जवळ असणारी व्यक्ती ही आईच असते.

वेळेनुसार लहान मुलांमध्येसुद्धा फिलिंग्स येत असतात. त्यांना अचूक कळू लागतं की कधी आपल्यावर प्रेम दाखवलं जात आहे आणि कधी राग. त्यामुळे त्याच्यासोबत होणाऱ्या प्रेमळ गोष्टी आठवूण तो झोपेत हसत असतो.