अमिताभ, शाहरुखलाही नाही मिळत अशी Security; कंगना रणौतला थेट CRPF कडून स्पेशल संरक्षण

अभिनेत्री कंगना रणौत मुंबईत येणार आहे. तिच्याविरोधातील रोष पाहता तिला केंद्रीय गृह मंत्रालयाकडून Y दर्जाची सुरक्षा देण्यात आली आहे.

Y दर्जाची सुरक्षेत एकूण 11 सुरक्षा कर्मचारी तैनात असतात. यात दोन कमांडो तैनात असतात. ही सुरक्षा 24x7 असते. आता ही सुरक्षा व्यवस्था थेट  सीआरपीएफ सांभाळू शकते.

अधिकाऱ्यांनी दिलेल्या माहितीनुसार, CRPF जवानांकडून सुरक्षा मिळणारी कंगना रणौत ही पहिली आणि एकमेव बॉलिवूड स्टार आहे.

बॉलिवूडचे शहनशाह अमिताभ बच्चन यांनाही आतापर्यंत पोलीस दलाकडून सुरक्षा पुरवण्यात आली आहे. याशिवाय त्यांचा स्वत:चा सुरक्षारक्षकही असतो.

दबंग सलमान खानचा बॉडीगार्ड शेरा तर सर्वांना माहितीच आहे. सलमान खानला सुरक्षा देण्याशिवाय शेराची स्वत:ची सिक्युरिटी फर्मदेखील आहे. जेव्हा सलमान एखाद्या कार्यक्रमाला जातो तेव्हा त्याच्यासग खूप बॉडीगार्ड असतात.

बॉलिवूडचा किंग शाहरूख खानला मुंबई पोलिसांकडून सुरक्षा दिली जाते. साध्या वेशात पोलीस अधिकारी त्याच्यासह असतात. याशिवाय त्याचा स्वत:चा बॉडीगार्ड असतो.

आमिर खानसह तर त्याचे स्वत:चे सहा ते सात बॉडीगार्ड असतात. जीममध्येदेखील एक बॉडीगार्ड त्याच्यासह असतो.

सुपरस्टार रजनीकांतलादेखील पोलीस संरक्षण देण्यात आलं होतं. मात्र त्याने आपल्याला पोलीस संरक्षण नको म्हटलं आणि आपलं पोलीस संरक्षण काढून घेण्याची विनंती केली होती.