तुमची मुलंही नखं चावतात का? अशी सोडवा त्यांची ही सवय

लहान मुलंच नव्हे तर मोठ्या माणसांनाही नखं चावण्याची सवय असते. अनेकदा आपल्या लहानपणीच्या सवयी मोठेपणीही कायम राहतात. त्यामुळे लहानपणी नखं चावण्याची सवय असेल तर त्याला वेळीच आवर घालायला हवा.

नखांमध्ये घाण साचते, अशावेळी नखं चावल्याने ही घाण पोटात जाऊन मुलांना विविध आजार उद्भवू शकतात. मुलं जेव्हा नखं चावतात तेव्हा ते तोंडामध्ये लागण्याचीही शक्यता असते. 

त्यामुळे शक्यतो लहान मुलांची नखं वाढूच देऊ नका, पालकांनी ती सतत कापावीत. 

मुलांच्या बोटांवर एखादा कडू पदार्थ लावा जेणेकरून नखं चावण्यासाठी जेव्हा ते बोट तोंडात घालतील तेव्हा त्यांना कडू लागेल आणि ते पुन्हा बोट तोंडात घालणार नाहीत.

मुलं रिकामी बसलेली असतील तेव्हा शक्यतो नखं चावायला सुरुवात करतात, अशावेळी त्यांना ड्रॉइंग करायला द्या किंवा एखद्या खेळात गुंतवणा जेणेकरून त्यांचे हात व्यस्त राहतील आणि नखांवरील लक्ष हटेल. 

मुलं नखं चावत असल्याचं दिसली की त्यांना एखादं फळ खायला द्या. या सर्वात चांगला पर्याय आहे.