याला म्हणतात छप्पर फाडून देणं; घरावर कोसळला दगड आणि काही मिनिटांतच तो झाला करोडपती

इंडोनेशियातील 33 वर्षांचा जोसुआ हुतागलुंग काही मिनिटांतच करोडपती झाला आहे. त्याच्या घरावर आकाशातून जणू खजिनाच कोसळला, ज्यामुळे काही मिनिटांतच तो 10 कोटी रुपयांचा मालक झाला आहे.(फोटो- Social Media)

डेली मेलच्या रिपोर्टनुसार जोसुआ उत्तर सुमात्रातील कोलांगमध्ये असलेल्या आपल्या घराजवळ काम करत होता. त्यावेळी त्याच्या घरावर काहीतरी कोसळल्याचा मोठा आवाज आला. यामुळे फक्त त्याचं घरच नाही तर आजूबाजूची घरंही हादरली आणि त्यांच्यापर्यंत हा आवाज पोहोचला. (फोटो- Social Media)

जोसुआनं आपल्या छताकडे पाहिलं तेव्हा त्याच्या छताला मोठ छेद पडला होता. एक मोठा दगड त्याच्या घरावर कोसळला आणि यामुळे जमिनीवर 15 सेंटीमीटर खड्डा झाला. (फोटो- Social Media)

जोसुआनं सांगितलं की जेव्हा त्यानं जमिनीतून हा दगड बाहेर काडला तेव्हा तो खूप गरम होता आणि थोडा तुटलाही होता. या दगडाचं वजन तब्बल 2.1 किलोग्रॅम होतं. (फोटो- Social Media)

माहिती मिळवल्यानंतर समजलं की हा दगड साधासुधा नाही तर आकाशातून कोसळलेली एक दुर्मिळ उल्कापिंड आहे. ही उल्कापिंड जवळपास 4.5 वर्षे जुनी असल्याचं सांगितलं जातं आहे. जोसुआनं सांगितलं, जेव्हा मी छताकडे पाहिलं तेव्हा ते तुटलं होतं. त्यामुळे आकाशातूनच हा दगड जमिनीवर आला अशी शक्यता मला वाटली. कारण माझ्या छतावर असं दगड कुणी फेकणं अशक्यच आहे. (फोटो- Social Media)

ही उल्कापिंड खूप अनमोल आहे. याची किंमत प्रतिग्रॅम 857 डॉलर आहे. रिपोर्टनुसार जोसुआनं खड्डा खणून ही अनमोल उल्कापिंड बाहेर काढला, ज्यामुळे तिच्यावर त्याचा मालकी हक्क होता. या अनमोल दगडाच्या बदल्यात जोसुआला 14 लाख पाउंड म्हणजे तब्बल 10 कोटी रुपये मिळाले. इतके वर्षे काम करून त्याला पगार मिळाला नाही, तितका पैसा आपल्याला या दगडामुळे मिळाला, असं जोसुआनं सांगितलं. जोसुआला तीन मुलंही आहे. या पैशातून तो आपल्या समुदायासाठी चर्च उभारणार आहे. (फोटो- Social Media)