हे पदार्थ खाऊन झपाट्याने वाढवा हिमोग्लोबिनची पातळी, अशक्तपणा होईल दूर

उत्तम आरोग्य आणि तंदुरुस्तीसाठी आपल्या शरीराचे सर्व अवयव व्यवस्थित काम करणे आवश्यक आहे. हे तेव्हाच शक्य होते जेव्हा शरीरात पुरेसे रक्त असते आणि त्याचे रक्ताभिसरण सर्व अवयवांमध्ये व्यवस्थित होते.

रक्ताच्या कमतरतेमुळे शरीरातील हिमोग्लोबिनच्या पातळीवरही परिणाम होतो. साधारणपणे रक्तातील हिमोग्लोबिनची पातळी तेव्हाच कमी होते जेव्हा शरीरातील प्रोटीन, जीवनसत्त्वे आणि खनिजांचा पुरवठा कमी होऊ लागतो.

हेल्थशॉट्सच्या बातमीनुसार, हिमोग्लोबिनच्या कमतरतेमुळे शरीरात झपाट्याने अशक्तपणा येऊ लागतो आणि चक्करही येऊ शकते. दररोज सकस आहार घेतल्यास हिमोग्लोबिनची पातळी राखता येते, असे आरोग्य तज्ज्ञांचे मत आहे. लोहाच्या कमतरतेमुळे हिमोग्लोबिनची पातळीही झपाट्याने कमी होते.

कोणत्याही व्यक्तीला निरोगी राहण्यासाठी हिमोग्लोबिनची पातळी सामान्य असणे खूप महत्वाचे आहे. हिमोग्लोबिन कमी झाल्याने प्रतिकारशक्तीवरही परिणाम होतो. आरोग्य तज्ञांच्या मते, हिमोग्लोबिनची पातळी महिलांमध्ये 12-16 आणि पुरुषांमध्ये 14-18 असावी. हिमोग्लोबिनची पातळी राखण्यासाठी हे पदार्थ खा.

बीटरूट : जर तुमचे हिमोग्लोबिन कमी असेल तर तुम्ही तुमच्या आहारात बीटरूटचे सेवन वाढवावे. यासोबतच बीटरूटची पाने खाल्ल्यास लोहाची पातळीही वाढते. त्याच्या पानांमध्ये बीटरूटपेक्षा कितीतरी पट जास्त लोह असते.

आवळा आणि जांभूळ : आवळा आणि जांभूळ समान प्रमाणात मिसळून सेवन केल्याने लोहाची कमतरता दूर केली जाऊ शकते.

पालक : हिमोग्लोबिनची कमी झालेली पातळी पालकाच्या सेवनाने वाढवता येते. पालकामध्ये हिमोग्लोबिन मुबलक प्रमाणात आढळते.

मनुका, खजूर : मनुका आणि खजूरमध्ये लोह, मॅग्नेशियम, तांबे आणि व्हिटॅमिन ए भरपूर प्रमाणात असते. दैनंदिन जीवनात या सुक्या मेव्यांचा समावेश केल्यास लोहाची कमतरता पूर्ण होईल.

सफरचंद : आरोग्य तज्ज्ञ चांगल्या आरोग्यासाठी रोज एक सफरचंद खाण्याचा सल्ला देतात. सफरचंद आपल्या रक्तातील हिमोग्लोबिनची पातळी राखण्यास मदत करते.

अक्रोड : अक्रोडमध्ये ओमेगा-३ फॅटी अॅसिड मुबलक प्रमाणात असते. अक्रोडमध्ये कॅल्शियम, मॅग्नेशियम फायबर आणि व्हिटॅमिन-बी पुरेशा प्रमाणात आढळतात. अक्रोड हिमोग्लोबिन वाढवण्यासही उपयुक्त आहे.

डाळिंब : रक्‍त वाढवण्यासाठी डाळिंब उत्तम पर्याय आहे. कारण डाळिंबात प्रोटीन, कार्बोहायड्रेट्स, लोह आणि फायबर भरपूर प्रमाणात असतात. जर तुम्ही रोज एक डाळिंब खाल्ले तर ते हिमोग्लोबिनची पातळी झपाट्याने वाढवू शकते.