वयाची पहिली 10 वर्षे कसा असावा मुलांचा आहार?

मुलांच्या वयाची पहिली दहा वर्षे पालकांनी त्यांच्या आहाराकडे नीट लक्ष दिलं, तर मुलांची वाढ चांगली होते. मुलं आजारी पडत नाहीत, त्यांची रोगप्रतिकारक शक्ती देखील वाढते. आहार योग्य नसला, तर अॅनेमिया होतो आणि बौद्धिक वाढ मंदावते. (फोटो सौजन्य - AFP Relaxnews)

वयाची पहिली दहा वर्षे वयाप्रमाणे प्रथिनं (प्रोटिन्स), कर्बोदकं (कार्बोहायड्रेट्स), गरजेचं ओमेगा फॅटी अॅसिड्स, जीवनसत्त्वे (व्हिटॅमिन्स), क्षार (मिनरल्स) यांची गरज असते. म्हणूनच आहारामध्ये दूध, कडधान्ये, फळे, भाज्या, अंडी यांचा समावेश असावा.  त्यांच्यात कमतरता निर्माण होत नाही. मुलंचा आहारात काय असावं याबाबत नवी मुंबईतल्या खारघरच्या मदरहूड रुग्णालयातील सल्लागार बालरोग तज्ज्ञ डॉ, पीयुष रणखांब यांनी मार्गदर्शन केलं आहे. (फोटो सौजन्य - Getty Images)

आहारात कर्बोदकांचा समावेश करा. कार्बोहायड्रेटस शरीरात उपस्थित असलेल्या सर्व पेशींसाठी एक ऊर्जा स्त्रोत आहे.फळं ही कार्बोहायड्रेट्सचे चांगले स्त्रोत आहेत आणि यामध्ये जीवनसत्त्वे आणि फायबरचे प्रमाणही अधिक असते. फळांच्या रसाऐवजी संपूर्ण फळे शक्यतो मुलांना द्यावीत.

आपल्या शरीराच्या पेशींच्या जडण- घडणीमध्ये प्रथिनंच सर्वाधिक उपयोगी पडतात. चयापचयाचा वेग, शरीराच्या वाढीचा वेग यांवर नियंत्रण ठेवून विकास नियंत्रित करणे, अशी प्रमुख कामे करणाऱ्या प्रथिनांना संप्रेरक प्रथिने असं म्हणतात. आहारात शेंगदाणे, मका, ताज्या भाज्या आणि फळं यासारख्या पदार्थांचा समावेश करा. दुधातही पुरेसे प्रथिने असतात त्यामुळे मुलांच्या आहारात दुधाचा समावेश करा.  (फोटो सौजन्य - AFP Relaxnews)

2 वर्षांपेक्षा कमी वयाच्या मुलांमध्ये मज्जासंस्था विकासाकरीता फॅटी अॅसिडची आवश्यकता असते. फॅट्स हे विरघळणारे जीवनसत्त्वे शोषण्यास देखील मदत करते. मुलांच्या बौद्धिक विकासासाठी आहारातील स्निग्ध पदार्थांचा समावेश करा. यासाठी डॉक्टरांचा सल्ला घ्या.

योग्य कॅल्शियमचे सेवन केल्याने मुलांच्या हाडांचे आरोग्य सुधारण्यास मदत होते. दूध आणि दुग्धजन्य पदार्थ हा कॅल्शियमचा उत्तम स्रोत आहेत. आपल्या मुलाच्या आहारात आपण टोफू, हिरव्या पालेभाज्या, नाचणी आणि तीळ यांचा समावेश करू शकता. (फोटो सौजन्य - Getty Images)

लोहाच्या कमतरतेमुळे अशक्तपणा आणि न्यूरो-कॉग्निटिव्ह सारखी समस्या जाणवू शकते. आपल्या मुलांच्या आहारात लोहयुक्त पदार्थ तसंच अंडी, मासे, सोयाबीनचे आणि शेंगदाणे या पदार्थांचा समावेश करा.

शरीराची वृद्धी, पेशी विभाजन आणि पेशी विभेद या क्रियांमध्ये अ जीवनसत्वाचा महत्त्वाचा सहभाग आहे. त्वचा, दात, हाडे, मेंदू, दृष्टी यांच्या आरोग्यासाठी अ जीवनसत्व आवश्यक आहे.  (फोटो सौजन्य - Getty Images)

शरीराची वृद्धी , शरीरातील कॅल्शियम आणि फॉस्फरसचे योग्य प्रमाण राखण्यासाठी ड जीवनसत्व अत्यंत महत्वाचे आहे. हाडांच्या मजबूतीसाठी ड जीवनसत्व आवश्यक आहे. (फोटो सौजन्य - Shutterstock)