शरीरात किती वेळ राहतात कोरोनाविरोधातील अँटिबॉडीज; ICMR ने दिली माहिती

कोरोनाव्हायरसची लागण झाल्यानंतर त्या रुग्णाच्या शरीरात त्याविरोधात अँटिबॉडीज तयार होतात आणि या अँटिबॉडीज कोरोनाशी लढतात आणि पुन्हा संक्रमण होण्यापासून बचाव करतात.

मात्र कोरोनाविरोधातील या अँटिबॉडीज शरीरात किती वेळ राहतात आणि कोरोनापासून किती वेळ संरक्षण देतात असा प्रश्न उपस्थित होतो.

नुकत्याच मुंबईतील जेजे रुग्णालयाने (JJ hospital) केलेल्या अभ्यासात कोरोनाविरोधातील अँटिबॉडीज 50 दिवसांतच कमी होत असल्याचं दिसून आलं आहे. 

तर आता आइसलँडमधील बायोटेक कंपनी डिकोड जेनेटिक्सने केलेल्या अभ्यासानुसार कोरोनाची लागण झाल्यानंतर तयार होणाऱ्या अँटिबॉडीज कमीत कमी चार महिन्यांपर्यंत इम्युनिटी देऊ शकतात.  (फोटो सौजन्य - एएफपी)

इंडियन मेडिकल काऊन्सिल रिसर्च (ICMR) ने दिलेल्या माहितीनुसार कोरोनाविरोधातील इम्युनिटी पाच-सहा महिने ते काही वर्षांपर्यंत टिकून राहू शकतं, असं वेगवेगळ्या अभ्यासात दिसून आलं आहे.