: आपण आहोत सेम टू सेम! आधुनिक मानवाचा DNA या पूर्वजांपेक्षा केवळ 7 टक्के आहे वेगळा

या जगातील सजीवांचा विकास अत्यंत पद्धतशीर मार्गाने झाला आहे. जगाच्या इतर प्राण्यांच्या तुलनेत मनुष्य का आणि कसा विशेष आहे हे जाणून घेण्यासाठी वैज्ञानिक बराच काळ प्रयत्न करत आहेत. आता शास्त्रज्ञांनी एक नवीन तंत्रज्ञान विकसित केलं आहे. त्यानुसार, वैज्ञानिकांनी आत्ताच्या काळातल्या मनुष्याचा डीएनए आणि आपल्या नामशेष झालेल्या पूर्वजांचा डीएनएची अचूक तुलना केली आहे.

सायन्स अ‍ॅडव्हान्स या जर्नलच्या अनुसार आजच्या मनुष्याच्या जीनोमपैकी केवळ 7 टक्के जीनोम असे आहेत जे आपल्या पूर्वाजांमध्ये नव्हते. कॅलिफोर्नियाचे नेथन शेफर म्हणतात की ही टक्केवारी अगदी कमी आहे.

संशोधकांनी 40 हजार ते 50 हजार वर्षांपूर्वी जगलेल्या निएंडरथॅल्स आणि डेनिसोव्हियन्सच्या जीवाश्मांमधून DNA घेतले आणि आजच्या 279 लोकांचे डीएनए देखील घेतले. शास्त्रज्ञांना आधीपासूनच माहित होते की आधुनिक मनुष्य आणि निएंडरथॅल्सचा DNA जवळजवळ सारखाच आहे .

फक्त आधुनिक मनुष्यात आढळणारे जीन्स शोधणं हाच या संशोधनाचा हेतू होता. विस्कॉन्सिन विद्यापीठातील मानवशास्त्री जॉन हॉक्स यांचे म्हणणे आहे की ही एक कठीण सांख्यिकीय समस्या आहे आणि संशोधकांनी एक मूल्यवान साधन विकसित केले आहे ज्यामध्ये जुन्या जीनोममध्ये हरवलेल्या डेटाचा समावेश आहे.

संशोधकांना असे आढळले की जीनोमचा अगदी लहान भाग म्हणजे 1.5 टक्के आहे जो आधुनिक मनुष्यात वेगळा आहे. अशा सिग्नल या DNA मध्ये दडलेले आहेत जे आधुनिक मानवांना इतरांपेक्षा वेगळे करतात.

2010 मध्ये, ग्रीनने निएंडरथॅल्सचा पहिला जीनोम तयार करण्यास मदत केली होती. चार वर्षांनंतर, अनुवंशशास्त्रज्ञ जोशुआ एकेय यांनी सिद्ध केलं की आधुनिक मानव आणि निएंडरथॅल्सचा डीएनए जवळजवळ सारखाच आहे.