'या' गोष्टी पालकांनी किशोरवयातील मुलांना शिकवायलाच हव्या, तज्ज्ञांनी दिला मोलाचा सल्ला

पौगंडावस्था हा एक गंभीर काळ आहे, ज्यादरम्यान मुलांमध्ये अनेक शारीरिक आणि मानसिक बदल घडतात. या काळात मुले भरकटण्याची शक्यता असते त्यामुळे त्या काळात मुलांचे योग्य पद्धतीने संगोपन करणे ही पालकांची जबाबदारी असते.

यादरम्यान मुलांमध्ये बदल सहसा होतो. किशोरवयीन काळ पालक आणि मुलांसाठी आव्हानात्मक असू शकतात आणि त्या टप्प्यावर काही बदल आवश्यक आहेत. याबद्दल विद्या व्ही भट्ट यांनी माहिती दिली आहे.

या वयात पालकांनी मुलांचे योग्य मार्गदर्शन केल्यास किशोरवयीन मुलांचा चांगला विकास होतो. मुलांशी वागताना ही काळजी घ्या.

आज किशोरवयीन मुलांसमोरील एक प्रमुख आव्हान म्हणजे मानसिक आरोग्य. नैराश्य हे किशोरवयीन मुलांमध्ये मानसिक आजारांचे आणि आत्महत्या हे दुसरे प्रमुख कारण आहे.

साधनांची कमतरता, भावनिक समस्या, अभ्यासाशी निगडीत ताण, कौटुंबिक संघर्ष इत्यादी बाबी मुलांच्या मानसिकतेवर परिणाम करतात. किशोरवयीन मुलांना या आव्हानांचा सामना करण्यास मदत करण्यासाठी पालकांनी आवश्यक समर्थन प्रदान करणे आवश्यक आहे.

किशोरवयीन मुलांमध्ये आणखी एक प्रमुख चिंतेची बाब म्हणजे दारू आणि इतर हानिकारक पदार्थांचे सेवन करण्याची सवय झाल्यास मुलं या व्यसनांच्या आहारी जाऊ शकतात. यापासून रोखणे ही पालकांची जबाबदारी आहे.

स्वयं-शिस्त आणि असुरक्षित लैंगिक संबंध धोकादायक वर्तनांमध्ये गुंतण्याची शक्यता वाढवतात. यामुळे अनेकदा आरोग्य धोके, जखमा, हिंसाचार आणि अकाली मृत्यू यापासून मुलांना वाचवणे पालकांपुढचे मोठे आव्हान असते. यामुळे पालकांनीही मुलांपुढे आक्षेपार्ह वर्तन करू नये.

किशोरवयीन मुलांना शिक्षित करून दारू आणि अंमली पदार्थांच्या वापराच्या धोक्यांबद्दल जागरूक केले पाहिजे. किशोरवयीन मुलांना स्वतःचे संरक्षण कसे करावे हे शिकवणे महत्वाचे आहे. त्यांना क्रीडा, मनोरंजनात्मक क्रियाकलापांमध्ये सहभागी होऊ द्या किंवा काही वेळ घराबाहेर घालवा.

या वयातील मुलांना शारीरिक हालचाली आणि स्वच्छतेबद्दल महत्व पटवून देणे आवश्यक आहे. त्यानंतर मुलं नेहमी सुरक्षित आणि आनंदी राहतील.