आता कळालं खरं कारण; यामुळे लग्नानंतर मुली होतात बेढब

अनेक स्त्रियांचं वजन लग्नानंतर वाढतं. लग्नाआधी ज्या मुली सडसडीत बांध्याच्या असतात. लग्नानंतर त्याच बेढब दिसायला लागता. 1 ते 2 वर्षातच शरीर वजनदार झाल्याने महिलांना त्याचं टेन्शन यायला लागतं.

वजन वाढण्याची अनेक कारणं आहेत. लग्नानंतर स्त्रिया स्वतःकडे कमी आणि कुटुंबाकडे जास्त लक्ष देतात.तर, काही लोकांच्यामते चांगला जोडीदार मिळाल्यानंतर महिला निर्धास्त होतात आणि त्यांचं वजन वाढायला लागतं. पण, खरंच वजन का वाढतं ? याची कारण आपण जाणून घेऊयात.

लग्नानंतर,स्त्रिया एका नवीन कुटूंबात, नव्या वातावरणात जातात. तिथल्या जेवणाच्या सवयी वेगळ्या असतात. नवीन कुटूंबातल्या लोकांना चांगलं खाऊ घालण्याच्या नादात स्वत:कडे दुर्लक्ष करत माहेरी असताना ज्याप्रकारे स्वत:च्या आहारकडे लक्ष दिलं जात असतं लक्ष द्यायला सासरी जमत नाही.

विवाहाच्या विचाराने महिला जितक्या आनंदी असतात. तितक्याच त्या टेन्शनमध्ये असतात. नवीन जबाबदाऱ्या घेणं,सर्वांना आनंदी ठेवणं यामुळे त्यांना तणाव येत असतो.

इतकच नाही तर, नवीन कुटूंबाची लाईफस्टाईलही बरीच वेगळी असते. जी स्विकारणं त्यांच्यासाठी एक आव्हान असतं. त्यामुळे हाच ताण कमी करण्यासाठी स्त्रिया अनहेल्दी खातात आणि वजन वाढवत जातं.

सहसा वयाच्या तिशीनंतर,शरीरात मेटाबॉलिक रेट कमी होण्यास सुरवात होते आणि त्यामुळे थोडंसं खाल्ल्यानंतरही वजन वाढू लागतं. महिलांचं लग्न वयाच्या तिशीच्या आसपास झालं तर, त्यावेळीच शरीरात मेटाबॉलिक रेट घटत असतो. त्यामुळे लग्नानंतर वजन वाढत जातं.

लग्नानंतर पहिल्या वर्षभरात नातलगांकडे जाणे, पार्ट्यांना जाणं,कार्यक्रम,सण यामुळे नवीन पदार्थ खाणं होतं राहतं.

लग्न झाल्यावर महिलांचे सासरीही लाड होतात. कुटूंबातील नवीन सदस्य म्हणून त्यांचं कोडकौतुक केलं जातं. सर्वच कुटूंबात नवीन सुनेचे लाड होतात. त्यामुळे या काळात महिला निष्काळजी वागतात आणि खाण्यापिण्याची काळजी घेत नाहीत.

लग्नापूर्वी मुली सुंदर दिसण्यासाठी नियमित व्यायाम आणि जिम करतात आणि खाण्याचीही काळजी घेतात. पण, लग्नानंतर त्यांचे विचार बदलतात.

बर्‍याचदा त्या स्वत:पेक्षा कुटूंबातल्या सदस्यांची जास्त काळजी घेतात. आता लग्न झालंय त्यामुळे, सुंदर दिसण्याची किंवा फिटनेसची काय गरज? असा विचार त्या करतात.