धक्कादायक! जगाला ‘या’ सायलेंट किलरचा विळखा; आतातरी हृदयाची काळजी घ्याला सुरुवात करा

जगभरातील कोट्यवधी लोक जीवघेण्या परिस्थितीत जगत आहेत. एवढंच नहीतर त्यांना स्वतःला होणाऱ्या त्रासाची जाणीवही नसते. 'द लॅन्सेट' मध्ये प्रकाशित झालेल्या एका नवीन अभ्यासानुसार. उच्च रक्तदाब हा आजार एखाद्या सायलेन्ट किलर सारखा आहे. या अभ्यासासाठी गेल्या 30 वर्षांमध्ये, उच्च रक्तदाब असलेल्या अर्ध्याहून अधिक लोकांनी अद्याप उपचार केलेले नाहीत असं सांगितलं आहे.

उच्च रक्तदाबाची ही समस्या तशी खूप साधी आहे आणि योग्य उपचारांनी सहज बरी होऊ शकते. पण, जर योग्यवेळी उपचार करुन नियंत्रण मिळवलं नाही तर, त्याचे धोकादायक परिणाम देखील होऊ शकतात. यामुळे, स्ट्रोक, हृदय आणि मूत्रपिंडाशी संबंधित रोगांचा धोका असतो.

या जागतिक अभ्यासासाठी गेल्या तीन दशकांमध्ये 184 देशांमध्ये 10 कोटींपेक्षा अधिक लोकांचं ब्लड प्रेशर मोजण्यात आलं. त्यावरुन असं लक्षात आलं की जवळजवळ अर्ध्या लोकांना हायपरटेन्शन बद्दल माहितीच नाही. तर अर्ध्याहून अधिक स्त्री-पुरुषांना माहिती असूनही त्यावर उपचार केले नाहीत.

इंपीरियल कॉलेज लंडनचे प्राध्यापक आणि अभ्यासाचे प्रमुख लेखक माजिद इज्झती यांनी द सनला सांगितलंय की, गेल्या अनेक दशकांमध्ये औषधोपचारात इतकी प्रगती असूनही हायपरटेन्शन उपचारांबद्दल परिस्थिती कठीण आहे. हायपरटेन्शन असलेले बहुतेक लोक उपचार घेत नाहीत. कमी आणि मध्यम उत्पन्न असलेल्या देशांमध्ये याचे परिणाम दिसतात.

प्राध्यापक माजिद सांगतात या आजारावर आंतरराष्ट्रीय स्तरावर चर्चा व्हायला हवी. कारण, योग्य उपचारांनी हायपरटेन्शनचा धोका कमी करता येतो.

जगभरात हायपरटेन्शनचा त्रास असलेल्या लोकांची संख्या गेल्या 30 वर्षांमध्ये दुप्पट झाली आहे. आपल्या शरीराला विविध अवयवांना रक्तपुरवठा योग्य प्रमाणात होण्यासाठी रक्तदाब असणं आवश्यक असतं. रक्तदाब वाढला किंवा कमी झाला तरी त्याचे शरीरावर दुष्परिणाम दिसून येतात. तीव्र डोकेदुखी, प्रचंड थकवा, एन्झायटी, डोळ्यांच्या समस्या आणि छातीत दुखणे ही काही सामान्य लक्षणं दिसतात.

छातीत दुखणं, अंधुक दिसणं,श्वासोच्छवासाला त्रास, थकवा, उलटी येणे किंवा नाकामधून रक्त येणं. ही हायपरटेन्शनची लक्षणं आहेत. अशी लक्षण दिसत असतील तर, तात्काळ डॉक्टरांसी संपर्क करावा.

आपल्या आहारात हिरव्या भाज्या, कोशिंबीरी, गाजर, मुळा, काकडी, टोमॅटो, या कच्च्या भाज्या आणि ताजी फळं खावीत. जेवणाच्या ताटात एक्सट्रा मीठ घेऊन खाण्याची सवय बंद करा. तळलेले खाद्यपदार्थ खांणं टाळावं त्यामुळे रक्तातला कोलस्ट्रॉल वाढतो.

केक, आईस्क्रीम, चॉकलेट, मिठाई यात जास्त प्रमाणात साखर असते. त्यामुळे असे पदार्थ टाळावेत. लोणी, चीज, ड्रायफ्रूट्स, मद्य, मसालेदार पदार्थ, मांस आणि मसालेदार अन्न पदार्थ खाऊ नयेत.

हिरव्या भाज्या, ब्लूबेरी, बीट, स्किम मिल्क, ताक आणि दही ओट, केळी, टोमॅट, गहू, ज्वारी, बजरी, हिरवे वाटाणे, आवळे, पपई यांचा आहारात समावेश करावा.

जगात हायपरटेन्शनमुळे लाखो लोकांचा मृत्यू झाला आहे. तज्ज्ञांच्यामते रक्तदाब कमी झाल्यामुळे स्ट्रोक 35-40 टक्क्यांनी कमी होऊ शकतो, हृदयविकाराचा झटका 20-25 टक्के आणि हृदय थांबल्याने मृत्यू होण्याची शक्यता सुमारे 50 टक्क्यांनी कमी होऊ शकते.