वेळीच कंट्रोल करा शुगर; गॅंगरीन झाल्यास कापावे लागतील हातपाय

गॅंगरीन हा एक आजार आहे. जो एखाद्या विशिष्ट अवयवामध्येच होतो. तेव्हा त्या अवयवातील ब्लड सर्क्युलेशन पूर्णपणे थांबून जातं. ब्लड सर्क्युलेशन थांबल्यामुळे तो अवयव निकामी होतो. जखमांमुळे गँगरीन होतं.

शुगर पेशंटला याचा धोका जास्त असतो. हातापायाल गॅँगरीन होणं ही सामान्य बाब आहे. पण,अनियंत्रीत डायबेटीज हे देखील याचं कारण आहे.

गॅंगरीन हात, पाय किंवा शरीराच्या कोणत्याही भागात होऊ शकते. अगदी शरीराच्या आत आतड्यात किंवा इतर अवयवाला होऊ शकतं. हातात किंवा पायात ब्लड सर्कुलेशन कमी झालं तर, त्याला पेरिफेरल वॅस्कुलर डिसीज म्हणतात.

शुगरच्या रुग्णांनी वेळोवेळी आपल्या डॉक्टरांच्या संपर्कात रहावं आणि शुगर टेस्टही नियमीत करावी. डायबेटीजच्या पेशंटची शुगर कंट्रोलमध्ये असायला हवी. ब्लड शुगर लेव्हल वाढली आणि पायाला चालताना त्रास होत असेल तर, डॉपलर टेस्ट करावी.

स्मोकिंगची सवय असलेल्या लोकांनाही गँगरीनचा त्रास होतो. खरंतर, स्मोकिंग करणाऱ्या लोकांच्या धमन्या आकुंचन होण्यास सुरवात होते. कधीकधी काही खास प्रकारच्या डिसऑर्डरमुळे रक्ताच्या गुठळ्या व्हायला लागतात. ट्रॉमा सिच्युएशनमध्ये जखम झाल्यावरही ब्लड फ्लो थांबतो.

ड्राय आणि वेट असे गॅंग्रिनचे दोन प्रकार आहेत ड्रायमध्ये कोणतंही इनफेक्शन होत नाही. पण, वेट इन्फेक्शन मध्ये डॉक्टर कधीकधी हात किंवा पायातील नसा उघडून उपचार करण्याचा प्रयत्न करतात. मात्र, त्याचा उपयोग न झाल्यास गँगरीन झालेला अवयव कापून टाकण्याचीही वेळ येते.