अनेक आजारांवर औषधी आहेत ही सुंदर फुलं; जाणून घ्या उपयोग

भारतीय आयुर्वेदामध्ये अनेक प्रकारची फुलं (Flowers) औषधी (Medicine) म्हणून वापरली जातात. फुलांमध्ये त्वचेचं सौंदर्य वाढवणारे आणि इन्फेक्शन कमी करणारे घटक असतात. गुलाब, केशर, कमळ यासारखी फुलं आयुर्वेदामध्ये औषधं म्हणून वापरली जातात.

गुलाब-गुलाबाच्या फुलामध्ये विटामिन ए, बी आणि सी असतं गुलाबाच्या फुलाच्या रसाचा उपयोग उन्हाळ्यामध्ये थंडावा मिळवण्यासाठी आणि डोकेदुखी कमी करण्यासाठी केला जातो. गर्भवती महिलांसाठी आणि पोटासाठी देखील गुलाबाची फुलं चांगली असतात. गुलाबाच्या फुलांचा गुलकंद लोक आवडीने खातात. यामुळे पचनाच्या समस्या कमी होतात, खोकला, दमा किंवा हृदयाशी संबंधित समस्या गुलाबाच्या पाकळ्यांच्या वापराने बऱ्या होतात.

चाफा-चाफा हे फुल आयुर्वेदिक औषधांमध्ये वापरलं जात. त्वचारोग, जखम, पोटाचा अल्सर यासारख्या आजारांवर ही फुलं फायदेशीर आहेत. याशिवाय ताप येणं, चक्कर येणं, खोकला यासारख्या आजारांवरती औषधं म्हणूनही चाफ्याची फुलं गुणकारी आहेत.

जास्वंद-जास्वंदाची फुलं गुलाबी, सफेद, पिवळ्या किंवा तांबड्या रंगाची असतात. जास्वंदचा वापर आयुर्वेदिक चहा बनवण्यासाठी, ब्लडप्रेशर कमी करण्यासाठी देखील केला जातो. लूज मोशन, फाइल्स, रक्तस्त्राव यासोबतच केस गळणं, हाय ब्लडप्रेशर, खोकला यामध्ये देखील जास्वंद फुलांचा वापर केला जातो.

अमलतास म्हणजे गोल्डन शॉवर ट्री. या झाडावर लटकणारी पिवळी फुलं ही दिसायला अतिशय सुंदर असतात. ही फुलं त्वचारोग, हृदयाशी संबंधी आजार, कावीळ, बद्धकोष्टता,अपचन, कानदुखी याच्यांमध्ये देखील उपयोगी आहेत.

कमळ-सफेद किंवा गुलाबी रंगाची कमळाची फुलं अतिशय सुंदर असतात. या फुलांना अध्यात्मिक आणि सांस्कृतिक महत्त्व आहे. कमळाची फुलं ताप,त्वचारोग,जळजळ,हृदयासंबंधी त्रास, लूज मोशन यासारख्या आजारांचा परिणाम कमी करण्यासाठी उपयोगी ठरतात.

शेवंती- शेवंतीची फुलं सजावटीसाठी उपयोगी येतात. या फुलांचा रस चक्कर येण्याच्या त्रासावरती औषध म्हणून वापरतात. हाय ब्लड प्रेशरचा त्रास असणाऱ्यांसाठी देखील ही फुलं उपयोगी ठरतात. या फुलांच्या पाकळ्यांचा चहा अंगदुखी आणि ताप कमी करण्यास वापरातात.

जुई-जुईचा चहा देखील बनवला जातो. याची फुलं सफेद रंगाची आणि सुगंधी असतात. अनिद्रा, तणाव यासारख्या त्रासांमध्ये फुलांचा उपयोग होतो. पाळीचे आजार, पाळीच्या काळात होणारी पोट दुखी आणि सूज यावर फायदेशीर आहेत.