फक्त दोरीउड्या मारून आरोग्याच्या अनेक समस्यांना ठेवू शकता दूर

दोरीउड्या हा पूर्ण शरीराचा व्यायाम आहे. यामध्ये तुमचे पाय आणि हातांचा वापर होतो. ज्यामुळे पूर्ण शरीराच्या स्नायूंना त्याचा फायदा होतो. (फोटो- PIXABAY)

रनिंग, सायकलिंग, स्विमिंग यापेक्षा दोरीउड्या हा हृदयासाठी उत्तम असा व्यायाम आहे. यासाठी तुम्हाला महागड्या उपकरणांची गरज नाही. शिवाय तुम्ही घरच्या घरीही करू शकता.

दोरीउड्या म्हणजे आपण एकाच जागी उड्या मारतो, ज्यासाठी भरपूर ऊर्जा लागते. भरपूर कॅलरीज बर्न होतात. परिणामी वजन कमी करण्यासही मदत होते.

एकाच ठिकाणी उड्या मारल्याने फुफ्फुसांचं कार्य सुरळीत राहण्यास मदत होते. श्वासोच्छवासाची प्रक्रिया नीट सुरू राहते.

एका अभ्यासानुसार नियमित काही वेळ उड्या मारल्याने हाडांची घनता चांगली राहते आणि यासाठी दोरीउड्या सर्वात चांगला व्यायाम आहे. मात्र ज्यांना हाडांच्या समस्या आहेत, त्यांनी तज्ज्ञांचा सल्ला घ्यावा.