कोरोना काळात सर्वसामान्यांना मोठा दिलासा; मोदी सरकारने घेतले 6 महत्त्वाचे निर्णय

कोरोना काळात आधीच अनेकांची नोकरी गेली आहे, त्यात घरात एखाद्याला कोरोना झाला तर उपचारांचा खर्चही न परवडणारा नसतो. अशात मोदी सरकारने मोठा निर्णय घेतला आहे.

कोरोनाच्या उपचारासाठी आवश्यक असलेली औषधं आणि उपकरणांवरील करामध्ये कपात करण्यात आली आहे. केंद्रीय अर्थमंत्री निर्मला सीतारामन यांनी पत्रकार परिषद घेऊन काही घोषणा केल्या आहेत.

ब्लॅक फंगसवरील औषध एम्फोटेरिसिन (Amphotericin) टॅक्स फ्री करण्यात आलं आहे. टोसीलिजुमाब (Tocilizumab) औषधावरीलही कर हटवण्यात आला आहे.

रेमडेसिवीर औषधावरील जीएसटी 12 टक्क्यांवरून 5 टक्के करण्यात आला आहे.

ऑक्सिमीटरवरील जीएसटी 12 टक्क्यांवरून 5 टक्के

वैद्यकीय ऑक्सिजन, ऑक्सिजन कन्सन्ट्रेटरवरील जीएसटी 12 टक्क्यांवरून 5 टक्के

व्हेंटिलेटरवरील जीएसटी 12 टक्क्यांवरून 5 टक्के

कोरोना लशीवर 5 टक्के जीएसटी कायम आहे. त्यात काहीही बदल नाही.

पण कोरोना लशीवरील टॅक्स कायम ठेवल्याने सरकारी रुग्णालयात लस घेणाऱ्यांना थेट फटका बसणार नाही. कारण 75  टक्के लस सरकार खरेदी करत आहे आणि त्यावर जीएसटीही बसत आहे.

कोरोना टेस्ट किटवरील जीएसटी 12 टक्क्यांवरून 5 टक्के

ही करसवल, नवे दर सप्टेंबर 2021 पर्यंतच लागू असतील.