पुन्हा महाग झालं सोनं; पाहा किती वाढली Gold Price

गेले काही दिवस सोन्याचे दर कमी होत होते. पण आज सोन्याचे दर वाढलेले पाहायला मिळाले.

आंतरराष्ट्रीय बाजारात सोन्याचांदीच्या किंमती वाढल्याने भारतीय बाजारातही सोनंचांदी महाग झालं आहे.

दिल्लीतील सराफा बाजारात सोनं प्रति ग्रॅम 280 रुपयांनी महागलं आहे.

आजचा सोन्याचा दर प्रति तोळा 45 हजार रुपये झाला आहे. आंततराष्ट्रीय बाजारातही  सोन्याचे भाव वाढून 1,736.02 डॉलर प्रति औंसवर पोहोचले आहेत.

सोन्याप्रमाणे चांदीदेखील महाग झाली आहे. सलग चौथ्या दिवशी चांदीचे दर वाढले आहेत.

चांदीचा भाव प्रतिकिलो 400 रुपयांनी वाढून 67,400 रुपयांवर पोहोचला आहे. तर आंतरराष्ट्रीय बाजारात चांदी प्रति किलो 26.33 डॉलर प्रति औंस झाली आहे.

डॉलर कमजोर पडल्याने सोन्याची किंमत वाढली आहे. न्यूयॉर्कमधील कमोडिटी एक्सचेंजच्या मते, डॉलर मजबूत झाल्यास आणि शेअर बाजारात तेजी झाल्यास सोन्याच्या वाढत्या किमतीवर नियंत्रण मिळू शकतं.