सकाळच्या या 5 सवयी करतील तुमचा Diabetes कंट्रोल

डायबेटीज (Diabetes) मोटॉबॉलिजम डिसऑर्डर आहे. एका रिसर्चनुसार जगात 52 कोटी लोकांना हा आजार आहे. या आजारात ब्लडशुगर नियंत्रणात राहत नाही. त्यामुळे त्याचे गंभीर आरोग्य परिणाम भोगावे लागतात.

शरीरात इन्सुलिनची मात्रा कमी झाल्याने ब्लड शुगर वाढते. त्यामुळे नजर कमी होणे, डोके दुखी, मल्टीऑर्गन फेल्युअर सारख्या आजारांची भिती वाढते. त्यामुळे वेळीच ब्लड शुगरवर नियंत्रण मिळवायला हवं.

ब्लड शुगर नियंत्रणात आणण्यासाठी सकाळच्या सवयी बदलायला हव्यात. दररोज सकाळी उठल्यावर कोमट पाणी प्यायल्याने ब्लड शुगर कंट्रोलमध्ये येते.

डायबेटीज असलेल्यांनी नियमीत ब्लड चेकअप करावे. त्यामुळे शुगर लेव्हलबद्दल माहिती मिळते. तज्ज्ञांच्यामते सकाळच्यावेळी रिकाम्या पोटी ब्लड शुगर तपासणे चांगले. दररोज चालण्याची सवय सगळ्यांसाठीच चांगली आहे. पण, मधुमेह असणाऱ्यांनी रोज मॉर्निंग वॉक करावा. यामुळे शरीर हेल्दी राहतं आणि शुगरही कंट्रोलमध्ये येते.

शुगर लेव्हल नियंत्रणात आणण्यासाठी हेल्दी डाएट घ्यावा. रोज सकाळी हेल्दी नाश्ता करावा. तंतुमय पदार्थ (फायबर) आणि व्हिटॅमिन्स असलेल्या पदार्थांचं सेवन करावं.

डायबेटीज असलेल्या रुग्णांना पायाला सुज येणं, पायांची जळजळ असे त्रास होतात. त्यामुळे आपल्या पायाची काळजी घ्यावी. डायबेटीजच्या रुग्णांमध्ये जखम लवकर बरी न होण्यासारखे त्रासही दिसून येतात. त्यामुळे इजा होणार नाही याची काळजी घ्यावी.