सुंदर दिसण्यासाठी वारंवार फेशिअल करताय, चेहऱ्याचं सौंदर्य गमावताय

खाज येणे - चेहऱ्याची त्वचा खूपच नाजूक असते. फेशिअलसाठी असलेल्या क्रीम या केमिकलयुक्त असू शकतात आणि अशा केमिकलयुक्त क्रीम त्वचेला हानी पोहोचवू शकतात.  प्रत्येकाच्या त्वचेला ही क्रीम सूट होईल असं नाही. अशा क्रीम वापरल्याने त्वचेला खाज येऊ शकते.

त्वचा लालसर होणे - फेशिअल करताना चेहऱ्यावर स्क्रब आणि मसाज केला जातो. स्क्रबने जास्त मसजा केल्यास, तसंच चुकीचा मसाज केल्यास त्वचेला हानी पोहोचते. त्वचा लालसर पडते. शिवाय स्किन इन्फेक्शनही होऊ शकतं.

पिंपल्स - फेशिअल केल्यानंतर चेहऱ्याच्या त्वचेवरील छिद्र खुली होतात. त्यामुळे त्वचा जर ऑईली असेल तर फेशिअल केल्यानंतर त्वचेवर पिंपल्स येतात.

स्किन अॅलर्जी - फेशिअल करताना वेगवेगळ्या प्रकारचे प्रोडक्ट वापरले जातात. यामुळे स्किन अॅलर्जीचा धोका वाढतो.

नैसर्गिक तेज जातं - वारंवार फेशिअल केल्यानं त्वचेचं नैसर्गिक तेज आणि मुलायमपणा कमी होऊ शकतो.

सूचना - या लेखात दिलेली माहिती सर्वसामान्य माहितीवर आधारित आहे. न्यूज 18 लोकमत त्याची पुष्टी देत नाही. त्यामुळे तज्ज्ञांचा सल्ला जरूर घ्यावा.