जगातली 8 ठिकाणं, जिथे हिवाळ्यातही नसते थंडी आणि तरीही वर्षभर असते मस्त हवा

जगात अशीही काही ठिकाणे आहेत जिथे तापमानाचा पारा उणे 50 अंश सेल्सियसच्या खालीही जातो, तर काही अशी ठिकाणी आहेत जिथं थंडीतही तापमानाचा पारा चढा असतो. अगदी थंडी पडली तरी ती इतकी कमी असते की वातावरण अतिशय आल्हाददायक असतं. त्यामुळे पर्यटकांची गर्दी असते. सांकेतिक फोटो (pixabay)

हा फोटो कॅरेबियन देशांमधील सेंट लुसियातील एका निसर्गरम्य ठिकाणाचा. वर्षभर इथं तापमान 30 अंश सेल्सियस असतं, तापमानाचा पारा त्यापेक्षा फार खाली जात नाही. रात्री तापमान 24 अंश सेल्सियस असतं. समुद्र आणि डोंगराळ प्रदेशामुळे पर्यटक थंडीच्या मोसमात गर्दी करतात. सांकेतिक फोटो (pixabay)

कॅरेबियन बेटं - स्पॅनिश मध्ये या शब्दाचा अर्थ आहे श्रीमंत बंदर. वर्षभर उत्तम हवामानाच्या बाबतीत तर हा प्रदेश खरंच श्रीमंत आहे. वर्षभर 25 अंश सेल्सियसच्या आसपास तापमान असतं. सांकेतिक फोटो (pixabay)

ग्रेट बॅरियर रीफ - ऑस्ट्रेलियातील क्वीन्सलँड जवळ असणारं हे ठिकाण आपल्या निसर्ग सौंदर्यासाठी आणि सर्वोत्तम हवामानासाठी प्रसिद्ध आहे. इथे कडाक्याची थंडी पडत नाही, पण उन्हाळ्यामात्र तापमान चढतं. सांकेतिक फोटो (pixabay)

हा फोटो आहे आफ्रिकेतील सहारा वाळवंटातील. सहारा हे नाव सहरा या अरबी शब्दा वरून पडलं आहे. हे जगातील सर्वांत मोठं आणि उष्ण वाळवंट आहे. आफ्रिकेच्या उत्तर भागातील अटलांटिक महासागरापासून ते तांबड्या समुद्रापर्यंत हे वाळवंट पसरलं आहे. इथे दिवसा तापमान 56 अंश सेल्सियस किंवा त्यापेक्षाही अधिक असतं. सांकेतिक फोटो

दक्षिण आफ्रिकेतील वेस्टर्न केप. आल्हाददायक हवामान आणि निसर्गरम्य परिसर यासाठी हे ठिकाण प्रसिद्ध आहे. हिवाळ्यात गुलाबी थंडी (कमाल तापमान 20 अंश सेल्सियस) आणि वर्षभर छान हवा वेस्टर्न केपमध्ये असते. सांकेतिक फोटो (pixabay)

हा फोटो आहे जॉर्डनजवळच्या वादी रूम या ठिकाणाचा. हा अरेबिक शब्द असून त्याचा अर्थ आहे चंद्राची दरी... नावाप्रमाणेच हे अतिशय आकर्षक, सुंदर वाळवंट आहे. 2011मध्ये या ठिकाणाला युनेस्कोनं जागतिक वारसा स्थळाचा दर्जा दिला आहे.

हिंदी महासागरातील सेशेल्स हा 115 छोट्या द्वीपांचा समूह आहे. पाचूसारखा समुद्र, शुभ्र रेती आणि झकास हवामान यामुळे इथे वर्षभर पर्यटक येतात. सांकेतिक फोटो (twitter)

फिजी – वर्षभर पर्यटनासाठी योग्य असंच हे ठिकाण. दक्षिण प्रशांत महासागरातील हा बेतान्हां समूह असून इथे कधीही थंडी पडत नाही. या द्वीपसमूहात 322 बेटं आहेत. त्यापैकी 106 बेटांवर वस्ती आहे.