अनेकांना रात्री उशीरा झोप येते. यामुळे पुरेशी झोप मिळत नाही. याचा परिणाम दुसऱ्या दिवशी दिवसभर राहतो.

अपुऱ्या झोपेमुळे फक्त दिवसच खराब जातो असे नाही तर अनेक आजार बळावतात. त्यामुळे वेळीच या गोष्टीकडे लक्ष देऊन शरीराला पुरेशी झोप मिळण्याचे प्रयत्न करावे.

काही गोष्टी आपल्या डाएटमध्ये समाविष्ट केल्याने शरीराला योग्य अशी झोप मिळण्यास मदत होते आणि संपूर्ण दिवसही उत्साहात जातो.

यासाठी आहारात थोडेसे बदल केले तरी आपल्याला हवी असलेली शांत झोप मिळू शकते.

दररोज बदाम खाल्याने झोप नियमित व्हायला मदत होते. बदामामुळे मेलाटोनिन हे हार्मोन संतुलित होते.

केळ्यामुळेही चांगली झोप येते. याशिवाय डाएटमध्ये मधाचाही वापर करा.

दुग्धजन्य पदार्थ अधिक खाण्यावर भर द्या. दुधाच्या पदार्थांमुळे मेंदूत मेलाटोनिन हार्मोन तयार व्हायला मदत होते. यामुळे निवांत झोप येते. तसेच झोपण्यापूर्वी दररोज एक मुठ चेरी खायला विसरू नका.

जेवणात जास्तीत जास्त हिरव्या भाज्या असतील याकडे लक्ष असू द्या. हिरव्या भाज्यांमध्ये असणारे मॅग्नेशियममुळे झोप चांगली लागते.