फळं जास्त वेळ टिकवण्यासाठी फ्रिजमध्ये ठेवताय; होतील वाईट परिणाम

उष्णता वाढल्यामुळे पदार्थ खराब होणं प्रत्येक गृहिणीसाठी तापदाक ठरतं. त्यावेळी भाज्या, फळं, दूध किंवा शिजलेले पदार्थ टिकवण्यासाठी फ्रिजमध्ये ठेवतात. मात्र काही फळं चुकूनही फ्रिज मध्ये ठेवू नयेत.

फ्रिजमध्ये फळं ठेवल्याने त्यांची चवही बदलते आणि त्यातील पोषक घटकही कमी होतात. उन्हाळ्याच कलिंगड, आंबा केळी यासारखी फळं फ्रिजमध्ये ठेवू नयेत.

आंबा आणि कलिंगड उन्हाळ्यात जास्त खाल्ले जातात. पण, ही फळं कापल्यानंतर फ्रिजमध्ये मुळीच ठेवू नयेत. कलिंगडात मोठ्या प्रमाणात ऍन्टीऑक्सिडंट असतात. फ्रिजमध्ये ठेवल्याने त्यातलं ऍन्टीऑक्सिडंटचा नाश होतो.

आंब्यामध्ये व्हिटॅमीन सी, बिटाकॅरेटीन,ऍन्टीऑक्सिडंट असतं. कापलेला आंबा फ्रिजमध्ये ठेवल्याने त्यातील पोषक घटक संपतात.

केळं फ्रिजमध्ये ठेवू नयेत. केळ्याच्या देठामधून इथाईलीन नावाचा गॅस बाहेर पडतो. त्यामुळे फ्रिजमधील इतर पदार्थ खराब होतात.

संत्री आणि लिंबामध्ये सायट्रीक ऍसिड असतं. त्यामुळे फ्रिजमध्ये टिकत नाहीत. त्यातील रसही कमी होतो.

उन्हाळ्याच लीची बाजारात येतात. त्यावेळी आपण भरपूर लीची घरी आणतो. पण लीची कधीच फ्रिजमध्ये ठेवू नका. कारण, त्यावरची टरफलं वेगळी होतात आणि लीची खराब होतात.