पपईवर लिंबू पिळून आवडीने खाताय; Side Effect माहिती आहेत का?

बाजारात सहजपणे मिळणारी पपई आरोग्यासाठी फायदेशीर असल्यामुळे बरेच जण आवडीने खातात. पपईमध्ये फायबरची मात्र जास्त असते. त्यामुळे कोलेस्ट्रॉल नियंत्रित राहतं. पपई मधल्या व्हिटॅमीन ए मुळे डोळ्यांचं आरोग्य चांगलं राहतं. तर पांढऱ्या पेशी वाढवण्यासाठी देखील डॉक्टर पपई खाण्याचा सल्ला देतात.

एका मध्यम आकाराच्या पपईमध्ये 120 कॅलरीज असतात. पपई वजन कंट्रोल करण्यासाठी फायदेशीर आहे. कारण पपईमुळे पचन व्यवस्था सुधारते. शिवाय रोगप्रतिकारक शक्ती देखील वाढते.

महिलांना पपई खाण्याचा सल्ला दिला जातो. कारण मासिक पाळीच्या काळात होणाऱ्या वेदना पपईमुळे कमी होतात. पपई खाण्याचे अनेक फायदे असले तरी काही पदार्थांबरोबर पपईचं कॉम्बिनेशन घातक आहे.

पपई आणि दही कधीच एकत्र खाऊ नये पपई गुणधर्माने गरम आहे तर दही थंड. त्यामुळे दोन्ही पदार्थ एकत्र खाल्ले तर, पोटासाठी हानिकारक ठरता

बरेच जण पपईवरती लिंबू पिळून खाता. मात्र लिंबू आणि पपई कधीच एकत्र खाऊ नये. कारण यामुळे ऍनिमिया सारखा त्रास होऊ शकतो. पपई खाल्ल्यानंतर काही तासांनीच लिंबू खावा किंवा लिंबाचा पदार्थ खावा.

लिंबू आणि पपई वेगळ्या जातीची फळं आहेत. पपईबरोबर आंबट पदार्थ न खाण्याचा सल्ला दिला जातो. त्यामुळे संत्र देखील पपई बरोबर खाऊ नये.

कारण याचा उलटा परिणाम शरीरावर होऊ शकतो. फ्रूट सॅलड बनवताना जर संत्र किंवा लिंबू वापरणार असाल तर त्यासोबत पपई मुळीच वापरू नका.